2019 April 24 Wednesday
പരാജയം ഒരു കുറ്റമേയല്ല. എന്നാല്‍, പരാജയത്തില്‍ നിന്നു പാഠം പഠിക്കാതിരിക്കല്‍ ഒരു കുറ്റം തന്നെയാണ് -വാള്‍ട്ടര്‍ റിസ്റ്റണ്‍

സുപ്രിം കോടതിയില്‍ പ്രശ്‌നപരിഹാരത്തിന് പുതിയ സംവിധാനം: ഇനി കേസ് പരിഗണിക്കുക തരംതിരിച്ച്

ന്യൂഡല്‍ഹി: കേസുകള്‍ പരിഗണിക്കുന്നതിന് പ്രത്യേക തരംതിരിവ് നടത്തി സുപ്രിം കോടതിയിലെ പ്രതിസന്ധിക്ക് പരിഹാര ഫോര്‍മുലയായി. വിവിധ കേസുകളുടെ സ്വഭാവത്തിനനുസരിച്ച് ഓരോ ജഡ്ജിമാര്‍ക്കും നിര്‍ണയിച്ചുകൊണ്ടാണ് ചീഫ് ജസ്റ്റിസ് ദീപക് മിശ്ര പരിഹാരം കണ്ടത്.

എല്ലാ പൊതുതാല്‍പര്യഹര്‍ജികളും ഇനി ചീഫ് ജസ്റ്റിസ് ദീപക് മിശ്രയുടെ ബെഞ്ചായിരിക്കും പരിഗണിക്കുക. നികുതി, തൊഴില്‍ കേസുകള്‍ ജസ്റ്റിസ് ജെ ചലമേശ്വറിന്റെ ബെഞ്ചും ക്രിമിനല്‍, മതപരമായ കേസുകള്‍ ജസ്റ്റിസ് രഞ്ജന്‍ ഗൊഗോയിയുടെ ബെഞ്ചിലുമായിരിക്കും പരിഗണിക്കുക.

തൊഴില്‍, ഗാര്‍ഹിക നിയമങ്ങള്‍ എന്നിവ ജസ്റ്റിസ് മദന്‍ ബി.ലോക്കൂരും പരിഗണിക്കും.

പുതിയ സംവിധാനം ഫെബ്രുവരി അഞ്ചു മുതല്‍ പ്രാബല്യത്തില്‍ വരും. പൊതുതാല്‍പര്യ ഹരജി കൂടാതെ, സേവനം, തെരഞ്ഞെടുപ്പ്, ഹേബിയസ് കോര്‍പ്പസ്, ക്രിമിനല്‍, കോടതീയലക്ഷ്യം, മധ്യസ്ഥം, ഭരണഘടനാ കേസുകള്‍, സ്റ്റാറ്റിയൂട്ടറി നിയമനങ്ങള്‍, കമ്മിഷന്‍ തുടങ്ങിയവയുമായി ബന്ധപ്പെട്ട കേസുകളും ദീപക് മിശ്രയുടെ ബെഞ്ചായിരിക്കും പരിഗണിക്കുക.

ജസ്റ്റിസ് ലോയയുടെ മരണവുമായി ബന്ധപ്പെട്ട കേസ് പരിഗണിക്കുന്നതിനെച്ചൊല്ലിയാണ് സുപ്രിം കോടതിയില്‍ ജഡ്ജിമാര്‍ക്കിടയില്‍ ഭിന്നതയുണ്ടായത്. ഇതേത്തുടര്‍ന്ന് കഴിഞ്ഞ ജനുവരി 12ന് നാലു ജഡ്ജിമാര്‍ വാര്‍ത്താസമ്മേളനം വിളിച്ച് ചീഫ് ജസ്റ്റിസിനെതിരെ വിമര്‍ശനം ഉന്നയിച്ചിരുന്നു.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.