2019 June 19 Wednesday
നീ നിനക്കുതന്നെ ദീപമായി വര്‍ത്തിക്കുന്നുവെങ്കില്‍ നീ നിന്നില്‍തന്നെ അഭയം കണ്ടെത്തുന്നുവെന്ന് സാരം – ബുദ്ധന്‍

നീറ്റ് രണ്ടു ഘട്ടമായി തന്നെ നടക്കും: സുപ്രിംകോടതി

ന്യൂഡല്‍ഹി:മെഡിക്കല്‍, ഡെന്റല്‍ പ്രവേശനത്തിനായി ഏകീകൃത പരീക്ഷ നടത്തുന്നതുമായി ബന്ധപ്പെട്ട ഉത്തരവില്‍ ഭേദഗതി വരുത്തണമെന്ന കേന്ദ്ര സര്‍ക്കാരിന്റെ ആവശ്യം സുപ്രിംകോടതി തള്ളി. നിര്‍ബന്ധമാണെങ്കില്‍ ഒറ്റ ഘട്ടം മാത്രം നടത്തണമെന്ന ആവശ്യവും കോടതി തളളി. രണ്ട് ഘട്ടമായി തന്നെ പരീക്ഷ നടക്കും. ആദ്യഘട്ട പരീക്ഷ മെയ് 1 നും അടുത്തത് ജൂലൈ 24 നും നടക്കും. ഇതോടെ സംസ്ഥാന സര്‍ക്കാരുകള്‍ നടത്തിയ പരീക്ഷകള്‍ അസാധുവാകും.
പ്രായോഗിക ബുദ്ധിമുട്ടുകള്‍ പരിഗണിച്ച് ഏകീകൃത പൊതു പരീക്ഷ തിരക്കിട്ട് ഈ വര്‍ഷം നടത്തേണ്ടതില്ലെന്നും നിര്‍ബന്ധമെങ്കില്‍ ഒരു ഘട്ടമായി പരീക്ഷ നടത്താമെന്നുമാണ് കേന്ദ്ര സര്‍ക്കാര്‍ സുപ്രിംകോടതിയെ അറിയിച്ചിരുന്നത്. വിവിധ സംസ്ഥാന സര്‍ക്കാരുകള്‍ എന്‍ട്രന്‍സ് പരീക്ഷകള്‍ നടത്തി കഴിഞ്ഞു. ഈ ഘട്ടത്തില്‍ ഏകീകൃത പരീക്ഷ നടത്തുന്നത് വലിയ ആശയക്കുഴപ്പങ്ങള്‍ക്ക കാരണമാകുമെന്നും ഹരജിയില്‍ പറഞ്ഞു.എന്നാല്‍ നേരത്തെ ഉത്തരവിട്ട പ്രകാരം തന്നെ പരീക്ഷ നടത്തണമെന്ന് കോടതി ഉത്തരവിട്ടു


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.