2019 May 20 Monday
രാഷ്ട്രീയപാര്‍ട്ടി നേതാക്കളുടെയും പ്രധാനമന്ത്രിമാരുടെയും കളിപ്പാവകളായി മാറുന്നവരെയല്ല നിയമിക്കേണ്ടത്. അന്ധന്‍ അന്ധനെ നയിച്ചാല്‍ ഇരുവരും കുഴിയില്‍ വീഴും -യേശു

‘മോഡിലൈ’- ഓക്‌സ്‌ഫോര്‍ഡ് ഡിക്ഷ്ണറിയിലെ പുതിയ വാക്ക്,വാക്കുണ്ടായത് modiയുംlie ചേര്‍ന്നെന്ന് രാഹുല്‍

ന്യൂഡല്‍ഹി: ഓക്‌സ്‌ഫോര്‍ഡ് ഡിക്ഷ്ണറിയില്‍ പുതിയ വാക്ക് ഉള്‍പ്പെടുത്തിയതായി കോണ്‍ഗ്രസ് പ്രസിഡന്റ് രാഹുല്‍ ഗാന്ധി. മോഡിലൈ എന്നതാണ് വാക്ക്. കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയാണ് പുതിയ അറിവ് ട്വീറ്റ് ചെയ്തിരിക്കുന്നത്. ഡിക്ഷ്ണറിയിലെ പേജിന്റെ സ്‌ക്രീന്‍ ഷോട്ടും അദ്ദേഹം ട്വീറ്റ് ചെയ്തിട്ടുണ്ട്.

ഇതൊരു നൗണ്‍ ആണ് constantly Modify thet ruth (സ്ഥിരമായി സത്യത്തെ തിരുത്തുക) , To lie incessantly and habitually (നിരന്തരം നുണ പറയുക), To lie without respite (ഇടതടവില്ലാതെ നുണ പറയുക) എന്നിങ്ങനെയൊക്കെയാണ് അര്‍ത്ഥം വ്യാഖ്യാനിച്ചിട്ടുള്ളത്. ഈ വാക്കിന്റെ വകഭേദങ്ങളായി Modiliar, Modilying തുടങ്ങിയവയുണ്ട്.

മോദിയും നുണയും (Modi+Lie) മോഡി ലൈ എന്ന വാക്കുണ്ടായിരിക്കുന്നത് എന്നാണ് രാഹുല്‍ ഗാന്ധിയുടെ പക്ഷം. ആതായാലും രാഹുല്‍ ട്വീറ്റ് ചെയ്ത ചിത്രമനുസരിച്ച് മോഡിലൈ എന്നത് ഒരു ഔദ്യോഗിക വാക്കായിരിക്കുകയാണ്.

പ്രധാനമന്ത്രി നരേന്ദ്ര മോദി വിവിധ വിഷയങ്ങളില്‍ തുടര്‍ച്ചയായി നുണ പറയുന്നു എന്ന ആരോപണവുമായി ബന്ധപ്പെടുത്തിയാണ് രാഹുല്‍ ഗാന്ധിയുടെ ട്രോള്‍. ധന മന്ത്രി അരുണ്‍ ജയ്റ്റ്‌ലിയേയും രാഹുല്‍ പരിഹസിക്കുന്നുണ്ട് ജയ്റ്റ് ലൈ എന്നാണ് ജയ്റ്റ്‌ലിയെ രാഹുല്‍ അഭിസംബോധന ചെയ്യുന്നത്. കോണ്‍ഗ്രസ് അനുഭാവികള്‍ രാഹുല്‍ ഗാന്ധിക്ക് പിന്തുണയുമായെത്തിയപ്പോള്‍ ബി.ജെ.പി അനുകൂലികള്‍ ഇങ്ങനെയൊരു വാക്ക് ഡിക്ഷ്ണറിയിലില്ല എന്ന് പറഞ്ഞ് രാഹുലിനെ ആക്രമിക്കുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.