2020 February 27 Thursday
മധ്യേഷ്യൻ സമാധാന കരാർ ചൊവ്വാഴ്ച്ച പ്രഖ്യാപിക്കുമെന്ന് ട്രംപ്

വീണ്ടും ജയ് ശ്രീറാം; മുര്‍ഷിദാബാദില്‍ പതിനൊന്നുകാരന് മര്‍ദ്ദനം

മുര്‍ഷിദാബാദ്: പശ്ചിമ ബംഗാളിലെ മുര്‍ഷിദാബാദില്‍ ജയ്ശ്രീറാം വിളിക്കാന്‍ ആവശ്യപ്പെട്ട് പതിനൊന്നുകാരന് മര്‍ദ്ദനം. റാജിക്കുല്‍ ആലമിന് നേരെ ഝാന്‍സിയിലെ ദേശീയപാതയില്‍ വച്ച് ഞായറാഴ്ച രാവിലെയായിരുന്നു അക്രമം.

ബൈക്കില്‍ പോവുകയായിരുന്നു നാല് യുവാക്കളാണ് കുട്ടിയെ അക്രമിച്ചത്. പോവുന്നതിനിടെ റാജിക്കിനെ കണ്ട് വണ്ടി നിര്‍ത്തുകയും പിടിച്ചുവെച്ച് ജയ്ശ്രീറാം വിളിക്കാന്‍ നിര്‍ബന്ധിക്കുകയുമായിരുന്നു. വിളിക്കാന്‍ വിസമ്മതിച്ച വിദ്യാര്‍ഥി ഇതിന്റെ അര്‍ഥമെന്തെന്ന് യുവാക്കളോട് ചോദിച്ചു. തുടര്‍ന്ന് അവര്‍ കൂട്ടം ചേര്‍ന്ന് മര്‍ദ്ദിക്കുകയായിരുന്നു.

വടികൊണ്ട് ശരീരമാസകലം മര്‍ദിച്ചതായി വിദ്യാര്‍ഥി പറഞ്ഞു. പരുക്കേറ്റ കുട്ടിയെ ജാങ്കിപൂര്‍ ആശുപത്രിയില്‍ പ്രവേശിപ്പിച്ചിരിക്കുകയാണ്.

അക്രമത്തെ തുടര്‍ന്ന് കോപാകുലരായ ജനക്കൂട്ടം യുവാക്കളെ പിടികൂടി പൊലിസില്‍ ഏല്‍പിച്ചു. ഇവരെ ചോദ്യം ചെയ്യുമെന്ന് പൊലിസ് അറിയിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.