2019 March 21 Thursday
ഉജ്ജ്വലമായ ആത്മാവിന് ഒരിക്കലും അടിതെറ്റില്ല – അരിസ്‌റ്റോട്ടില്‍

മേഘാലയയില്‍ ‘മതം’ കാര്‍ഡാക്കി മോദിയുടെ പ്രചാരണം

ഫുല്‍ബാരി(മേഘാലയ):    ക്രസ്ത്യന്‍ ഭൂരിപക്ഷ പ്രദേശമായ മേഘാലയയില്‍ നിയമസഭാ തെരഞ്ഞെടുപ്പ് പ്രചാരണത്തിനിടെ മതം പറഞ്ഞ് വോട്ട് തേടി പ്രധാനമന്ത്രി നരേന്ദ്ര മോദി. 2014ല്‍ ഇറാഖില്‍ നിന്നും മലയാളി നഴ്‌സുമാരെ രക്ഷപ്പെടുത്തിയത് ബി.ജെ.പി സര്‍ക്കാരാണെന്നും ആ നഴ്‌സുമാര്‍ എല്ലാവരും ക്രിസ്ത്യാനികളാണെന്നുമായിരുന്നു മോദിയുടെ വാദം. ഫുല്‍ബാരിയിലെ തെരഞ്ഞെടുപ്പ് പ്രചാരണത്തിലാണ് മോദി മതം പറഞ്ഞ് വോട്ട് പിടിച്ചത്.  

മധ്യപ്രദേശില്‍ ക്രിസ്തു മത വിശ്വാസികള്‍ക്കു നേരെയുണ്ടായ അതിക്രമങ്ങളും ക്രിസ്ത്യന്‍ പള്ളി കത്തിച്ചതും ചൂണ്ടിക്കാട്ടി രാഹുല്‍ പ്രസംഗിച്ചതിന്റെ അടുത്ത ദിവസമായിരുന്നു മോദിയുടെ പ്രചാരണം.

ഇറാഖിലെ ഐസ്. ഭീകരരില്‍ നിന്ന്  46 മലയാളി നഴ്‌സുമാരെ മോചിപ്പിച്ചത് ഞങ്ങളാണ്. അവരെല്ലാം ക്രിസ്ത്യാനികളായിരുന്നു ആയിരുന്നു. 2015ല്‍ ഫാദര്‍ അലക്‌സിസ് പ്രേം കുമാറിനെ താലിബാന്‍ പിടികൂടിയയപ്പോള്‍ മോചനത്തിന് മുന്‍കയ്യെടുത്തതും ബി.ജെ.പി സര്‍ക്കാര്‍ ആയിരുന്നു. അദ്ദേഹത്തിന്റെ കുടുംബാംഗങ്ങള്‍ പ്രതീക്ഷ കൈവിട്ടപ്പോഴും ഞങ്ങള്‍ പ്രതീക്ഷ കൈവിട്ടില്ല. ഒടുവില്‍ അദ്ദേഹത്തെ കുടുംബത്തില്‍ എത്തിച്ചു- മോദി പറഞ്ഞു.

മേഘാലയയില്‍ മാറ്റത്തിന് സമയമായിരിക്കുന്നു. മേഘാലയയില്‍ കോണ്‍ഗ്രസ് ഭരണത്തില്‍ ജനങ്ങള്‍ക്ക് നിഷേധിക്കപ്പെട്ട വികസനങ്ങള്‍ ലഭ്യമാക്കാന്‍ ബി.ജെ.പിക്ക് വോട്ടു ചെയ്യണമെന്നും മോദി ജനങ്ങളോട് അഭ്യര്‍ഥിച്ചു.

കോണ്‍ഗ്രസ് മേഘാലയയുടെ 50 വര്‍ഷങ്ങള്‍ പാഴാക്കിക്കളഞ്ഞിരിക്കുന്നു. നിങ്ങളെ സേവിക്കാന്‍ ബി.ജെ.പിക്ക് ഒരു അവസരം തരിക. എല്ലാവര്‍ക്കുമൊപ്പം, എല്ലാവര്‍ക്കും വികസനം എന്ന മുദ്രാവാക്യവുമായി നല്ല ഭരണം ഉറപ്പുവരുത്തുമെന്നും മോദി വാഗ്ദാനം ചെയ്തു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.