2018 April 19 Thursday
യാ അല്ലാഹ്! നിന്റെ നെയ്ത്തുശാലയില്‍ പുണ്യ പട്ടുനൂല്‍കൊണ്ട് ആര്‍ക്കാണ് നീ ലോല ലോലമായോരീ നിസ്‌കാരക്കുപ്പായം ചമയ്ക്കുന്നത്; എനിക്കോ, തമ്പുരാനേ…?
- കമലാ സുരയ്യ

ബി.ജെ.പി സര്‍ക്കാറിനെ നിയന്ത്രിക്കുന്നത് ആര്‍.എസ്.എസ്- ഒളിയമ്പുമായി വീണ്ടും രാഹുല്‍

ബംഗളൂരു: കേന്ദ്ര സര്‍ക്കാറിനെതിരെ ഒളിയമ്പുമായി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി വീണ്ടും. മോദി സര്‍ക്കാറിനെയും മറ്റു ബി.ജെ.പി ഭരണകൂടങ്ങളേയും നിയന്ത്രിക്കുന്നത് ആര്‍.എസ്.എസ് ആണെന്നാണ് അദ്ദേഹത്തിന്റെ വിമര്‍ശനം. അതിനായി ആര്‍.എസ്.എസ് അവരുടെ ആളുകളും മന്ത്രാലയങ്ങളില്‍ വിവിധ വകുപ്പുകളിലും തിരുകിക്കയറ്റുന്നുവെന്നും അദ്ദേഹം ആരോപിച്ചു.

തെരഞ്ഞെടുപ്പിന് മുന്നോടിയായുള്ള കര്‍ണാടക സന്ദര്‍ശനത്തിനിടെ പ്രഫഷണലുകളുമായും വ്യാപാരികളുമായും സംസാരിക്കുകയായിരുന്നു അദ്ദേഹം. ‘ ആര്‍.എസ്.എസ് ആണ് സര്‍ക്കാറിനെ നിയന്ത്രിക്കുന്നത്. അവര്‍ അവരുടെ ആളുകളെ എല്ലായിടത്തും കയറ്റിയിരിക്കുകയാണ്. എന്തിനേറെ പറയാന്‍, മന്ത്രാലയങ്ങളിലെ സെക്രട്ടറിമാരുടെ നിയമനം പോലും ആര്‍.എസ്.എസ് ആണ് തീരുമാനിക്കുന്നത്’- രാഹുല്‍ പറഞ്ഞു.

എന്‍.ഐ.ടികള്‍ പോലും ആര്‍.എസ്.എസിന്റെ കീഴിലാണെന്ന് അദ്ദേഹം ആരോപിച്ചു. കോണ്‍ഗ്രസ് അധികാരത്തിലേറിയാല്‍ ജി.എസ്.ടി പുന:പരിശോധിക്കുമെന്ന് അദ്ദേഹം വ്യാപാരികള്‍ക്ക് ഉറപ്പു നല്‍കി.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.