2020 July 13 Monday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

യു.പിയില്‍ തകര്‍ക്കപ്പെട്ട അംബേദ്ക്കര്‍ പ്രതിമ മാറ്റി സ്ഥാപിച്ചത് കാവിയടിച്ച്;പ്രതിഷേധം ശക്തം

ലക്‌നോ: ഉത്തര്‍പ്രദേശില്‍ തകര്‍ക്കപ്പെട്ട അംബേദ്ക്കര്‍ പ്രതിമ മാറ്റി സ്ഥാപിച്ചത് കാവിയടിച്ച്. ബദയൂണ്‍ ജില്ലയില്‍ തകര്‍ക്കപ്പെട്ട അംബേദ്കര്‍ പ്രതിമ മാറ്റിസ്ഥാപിച്ചപ്പോഴാണ് ഈ നിറം മാറ്റം. അംബേദ്കറുടെ പേരിനൊപ്പം റാംജി എന്ന് ചേര്‍ത്തത് വിവാദമായതിന് പിന്നാലെയാണ് പ്രതിമയും കാവിവല്‍ക്കരണം.

പ്രതിമയ്ക്ക് കാവി നിറം നല്‍കിയതിനെതിരെ ഇതിനകം പ്രതിഷേധം ഉയര്‍ന്നുകഴിഞ്ഞു. ബി.എസ്.പി, എസ്.പി നേതാക്കള്‍ എതിര്‍പ്പുമായി രംഗത്തെത്തി. നിറം ഉപയോഗിച്ച് യോഗി സര്‍ക്കാര്‍ രാഷ്ട്രീയം കളിക്കുകയാണെന്ന് സമാജ് വാദി പാര്‍ട്ടി വക്താവ് സുനില്‍ സിങ് സാജന്‍ വിമര്‍ശിച്ചു. എല്ലായിടത്തും കാവി നിറം പൂശുന്ന തിരക്കിലാണ് സര്‍ക്കാര്‍. ബി.ജെ.പിയുടെ ഉദ്ദേശം എന്തെന്ന് ജനങ്ങള്‍ ഇപ്പോള്‍ നല്ലതുപോലെ മനസ്സിലാക്കിക്കഴിഞ്ഞു. നിറം മാറ്റല്‍ ബി.ജെ.പിയെ ഒരു തരത്തിലും സഹായിക്കാന്‍ പോകുന്നില്ലെന്നും എസ്.പി വക്താവ് പറഞ്ഞു.

കാവിനിറം മാറ്റി പ്രതിമയ്ക്ക് നീല നിറം നല്‍കണമെന്ന് ആവശ്യപ്പെട്ട് പ്രദേശവാസികള്‍ ബദയൂണ്‍ ജില്ലാ ഭരണകൂടത്തിന് നിവേദനം നല്‍കിയിട്ടുണ്ട്.

ഉത്തര്‍ പ്രദേശില്‍ കെട്ടിടങ്ങള്‍ക്കും ബസുകള്‍ക്കും കാവി പെയിന്റടിച്ചിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.