2017 December 08 Friday
വിയര്‍പ്പ് വറ്റുന്നതിനു മുമ്പ് തൊഴിലാളിക്ക് അവന്റെ കൂലി കൊടുക്കുക
മുഹമ്മദ് നബി(സ)

ഗുജറാത്ത് തെരഞ്ഞെടുപ്പ് പ്രചാരണത്തില്‍ ഭാഗവാക്കാവേണ്ടെന്ന് കപില്‍ സിബലിനോട് കോണ്‍ഗ്രസ്

ന്യൂഡല്‍ഹി: ഗുജറാത്ത് തെരഞ്ഞെടുപ്പിന്റെ പ്രചാരണത്തില്‍ പങ്കാളിയാവേണ്ടതില്ലെന്ന് കോണ്‍ഗ്രസ് നേതാവും മുന്‍ നിയമമന്ത്രിയുമായ കപില്‍ സിബലിനോട് പാര്‍ട്ടി. ബാബരി മസ്ജിദ് വിഷയത്തിലെ വാദങ്ങളുമായി ബന്ധപ്പെട്ടുണ്ടായ വിവാദങ്ങളെ തുടര്‍ന്നാണ് നിര്‍ദ്ദേശം.

ബാബരി മസ്ജിദ് കേസിലെ വിധി 2019ലെ തെരഞ്ഞെടുപ്പിനെ ബാധിക്കുമെന്നും അതിനാല്‍ കേസില്‍ വാദം കേള്‍ക്കല്‍ നീട്ടിവെക്കണമെന്നും കപില്‍ സിബല്‍ കോടതിയില്‍ വാദിച്ചിരുന്നു. ഇത് തെരഞ്ഞെടുപ്പ് പ്രചാരത്തിന് ബി.ജെ.പി ആയുധമാക്കിയിരുന്നു. ബാബരിക്കേസ് രാഷ്ട്രീയവത്ക്കരിക്കുന്നുവെന്ന വിമര്‍ശനവുമായി പ്രധാനമന്ത്രി നരേന്ദ്രമോദിയുള്‍പെടെയുള്ള പ്രമുഖര്‍ രംഗത്തെത്തുകയും ചെയ്തിരുന്നു.

എന്നാല്‍ തെരഞ്ഞെടുപ്പിന് ഏതെങ്കിലും രീതിയിലുള്ള വര്‍ഗീയ ധ്രുവീകരണത്തിനിടം നല്‍കുന്ന പ്രചാരണത്തിന് കാരണമാവേണ്ട എന്നാണ് കോണ്‍ഗ്രസ് നിലപാട്.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.