2020 June 05 Friday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

മുസ്‌ലിം വേള്‍ഡ് ലീഗ് മത, ബൗദ്ധിക സമന്വയ സമ്മേളനം സംഘടിപ്പിക്കുന്നു

അബ്ദുസ്സലാം കൂടരഞ്ഞി

 

റിയാദ്: ഐക്യരാഷ്ട്ര സഭയുമായി ചേര്‍ന്ന് മുസ്‌ലിം വേള്‍ഡ് ലീഗ് മത, ബൗദ്ധിക സമന്വയ സമ്മേളനം സംഘടിപ്പിക്കുന്നു. മുസ്‌ലിം വേള്‍ഡ് ലീഗും ലോക മത നേതാക്കളുടെ സംഘടനയായ വേള്‍ഡ് കൗണ്‍സില്‍ ഓഫ് റിലീജിയസ് ലീഡേഴ്‌സും സംയുക്തമായി ചേര്‍ന്നാണ് ഐക്യ രാഷ്ട്ര സഭയുടെ മേല്‍ നോട്ടത്തില്‍ സമ്മേളനം സംഘടിപ്പിക്കുന്നത്.

ഇതിനു മുന്നോടിയായി മുസ്‌ലിം വേള്‍ഡ് ലീഗ് (എം ഡബഌു, എല്‍) സെക്രട്ടറി ജനറല്‍ ഡോ: മുഹമ്മദ് അല്‍ ഈസ, വേള്‍ഡ് കൗണ്‍സില്‍ ഓഫ് റിലീജിയസ് ലീഡേഴ്‌സ് (ഡബഌു സി ആര്‍ എല്‍) സെക്രട്ടറി ജനറല്‍ ബാവ ജയിനും തമ്മില്‍ ഒരുമിച്ചു സഹകരിക്കാന്‍ കരാറില്‍ ഒപ്പുവെച്ചു. ഇരു പാര്‍ട്ടികളും യു എന്നില്‍ അന്താരാഷ്ട്ര മത, ബൌദ്ധിക, രാഷ്ട്രീയ നേതാക്കളെ പങ്കടുപ്പിച്ചു സമ്മേളനം സംഘടിപ്പിക്കും.

ഇതോടെ ആഗോള തലത്തില്‍ മുസ്‌ലിം വേള്‍ഡ് ലീഗിനെ ഉയര്‍ത്തുന്ന നിലയിലേക്കു ഇത് മാറുമെന്നു അന്താരാഷ്ട്ര ഉപദേശകന്‍ ആദില്‍ അല്‍ ഹര്‍ബി അഭിപ്രായപ്പെട്ടു. ലോകത്തെ മുസ്‌ലിം രാജ്യങ്ങളെ ഒരു കുടക്കീഴില്‍ അണി നിരത്താന്‍ ഇതിനകം തന്നെ മുസ്ലിം വേള്‍ഡ് ലീഗിന് സാധിച്ചിട്ടുണ്ട്.

ഈ ബന്ധം ശക്തവും സുദൃഢവുമാണ്. മുസ്‌ലിം വേള്‍ഡ് ലീഗ് നിരവധി ആശയ സംവാദങ്ങള്‍ക്കും സമകാലിക വിഷയങ്ങളില്‍ കൂടുതല്‍ ശ്രദ്ധ പതിപ്പിക്കുകയും ചെയ്തിട്ടുണ്ട്. അതിന്റെ ഭാഗമായാണ് ഈ പരിപാടിയും സംഘടിപ്പിക്കുന്നതെന്നും അദ്ദേഹം പറഞ്ഞു.

മുസ്‌ലിം വേള്‍ഡ് ലീഗ് ആഗോള തലത്തില്‍ സ്വാധീനമുള്ള ഒരു സ്ഥാപനമായി മാറുകയും ലോകം അത് ശ്രദ്ധിക്കുകയും ചെയ്തുവെന്നും വേള്‍ഡ് കൗണ്‍സില്‍ ഓഫ് റിലീജിയസ് ലീഡേഴ്‌സ് (ഡബഌു സി ആര്‍ എല്‍) സെക്രട്ടറി ജനറല്‍ ബാവ ജയിന്‍ അഭിപ്രായപ്പെട്ടു.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.