2019 August 18 Sunday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

മുസാഫര്‍ നഗര്‍ കലാപം; 41 ല്‍ 40 കേസുകളിലും പ്രതികളെ വെറുതെ വിട്ടു

 

മുസാഫര്‍ നഗര്‍ : 2013 ല്‍ ഉത്തര്‍പ്രദേശിലെ മുസാഫര്‍ നഗറില്‍ ഉണ്ടായ കലാപത്തിലെ 40 കേസുകളിലെ പ്രതികളെയും മുസാഫര്‍ നഗര്‍ കോടതി വെറുലെ വിട്ടു. 65 ഓളം മുസ്ലിംകള്‍ കൊല്ലപ്പെട്ട കേസിലെ ബി ജെ പി നേതാക്കളടക്കമുള്ള പ്രതികളെ വെറുതെ വിട്ടതില്‍ പ്രോസിക്യൂഷനും പൊലിസുമടക്കം ഇടപെടലുകള്‍ നടത്തിയെന്ന് ഇന്ത്യന്‍ എക്‌സ്പ്രസ് റിപ്പോര്‍ട്ട് ചെയതു.

കൊല്ലപ്പെട്ടവരുടെ ബന്ധുക്കളടക്കം കേസിലെ മുഴുവന്‍ സാക്ഷികളും കൂറുമാറി. എല്ലാ കേസുകളിലും ആയുധങ്ങള്‍ കണ്ടെത്തിയിരുന്നെന്കിലും അത് പൊലിസ് കോടതിയില്‍ ഹാജരാക്കിയില്ല. പ്രധാന സാക്ഷികളെ വിസ്തരിക്കാന്‍ പ്രോസിക്യുഷനും തയ്യാറായില്ല തുടങ്ങിയ ഗുരുതര ആരോപണങ്ങളാണ് ഉയര്‍ന്നിരിക്കുന്നത്.

അതേ സമയം ശിക്ഷിക്കപ്പെട്ട ഏക കേസിലെ പ്രതികള്‍ മുസ്‌ലിംകളാണ്.അന്‍പതിനായിരത്തോളം പേര്‍ വീടുപേക്ഷിക്കുകയും നിരവധി സ്ത്രീകള്‍ ബലാല്‍സംഘം ചെയ്യപ്പെടുകയും ചെയ്യപ്പെട്ട കലാപമായിരുന്നു മുസാഫര്‍ നഗറിലേത്.അഖിലേഷ് യാദവിന്റെ കാലത്ത് രജിസറ്റര്‍ ചെയ്യപ്പെട്ട കേസില്‍ ഭൂരിപക്ഷം വിചാരണയും യോഗി സര്‍ക്കാരിന്റെ കാലത്തായിരുന്നു.2017 മുതല്‍ 2019 വരെയുള്ള കാലയളവിലായിരുന്നു കേസിന്റെ വിചാരണ. കേസില്‍ അപ്പീല്‍ പോവില്ലന്നാണ് ഉത്തര്‍പ്രദേശ് സര്‍ക്കാരിന്റെ തീരുമാനം.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.