2019 April 18 Thursday
യുവതലമുറക്കു ക്രമീകൃതമായ സാമൂഹ്യവല്‍ക്കരണമാണ് വിദ്യാഭ്യാസം -സെര്‍വീം

മുംബൈയില്‍ മഴ ശക്തമാവും, വീടുകളില്‍ തങ്ങണമെന്ന് നിര്‍ദേശം; ട്രെയിനുകള്‍ റദ്ദാക്കി, സ്‌കൂള്‍, കോളജുകള്‍ക്ക് അവധി

മുംബൈ: 200 മില്ലി മീറ്റര്‍ മഴ ലഭിച്ച മുംബൈയില്‍ ബുധനാഴ്ചയും മഴ ശക്തമാവുമെന്ന് കാലാവസ്ഥാ നിരീക്ഷകര്‍ അറിയിച്ചു. ഇതേത്തുടര്‍ന്ന് റെഡ് അലെര്‍ട്ട് പുറപ്പെടുവിച്ചിട്ടുണ്ട്. കനത്ത മഴ കാരണം റോഡുകളെല്ലാം പ്രളയത്തിലായതിനാല്‍ ബുധനാഴ്ച മുംബൈയിലെ സ്‌കൂളുകളും കോളജുകളും അവധിയായിരിക്കും.

ജനങ്ങള്‍ അത്യാവശ്യമില്ലെങ്കില്‍ വീടിനു പുറത്തിറങ്ങരുതെന്ന് മഹാരാഷ്ട്ര മുഖ്യമന്ത്രി ദേവേന്ദ്ര ഫട്‌നാവിസ് ട്വിറ്ററിലൂടെ അറിയിച്ചു. എന്നാല്‍ അത്യാവശ്യം വേണ്ട സര്‍ക്കാര്‍ സ്ഥാപനങ്ങളില്‍ ഉദ്യോഗസ്ഥര്‍ ഹാജരാവണമെന്നും അദ്ദേഹം നിര്‍ദേശിച്ചു.

 

അന്തരീക്ഷ കാഴ്ച കുറവായതിനാല്‍ ചൊവ്വാഴ്ച വൈകിട്ട് നിര്‍ത്തിവച്ച മുംബൈ വിമാനത്താവളത്തിന്റെ പ്രവര്‍ത്തനം പുനരാരംഭിച്ചു. എന്നാല്‍ വിമാനങ്ങള്‍ വൈകിയാണ് പറക്കുന്നത്. അതേസമയം, മൂന്നു ട്രെയിനുകള്‍ റദ്ദാക്കിയിട്ടുണ്ട്. നിരവധി ട്രെയിനുകള്‍ വൈകിയോടുകയും ചെയ്യുന്നുണ്ട്. ഇവയുടെ ലിസ്റ്റ് വെസ്‌റ്റേണ്‍ റെയില്‍വ്വേ പുറത്തുവിട്ടിട്ടുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.