2019 June 20 Thursday
കുറഞ്ഞ ഗുണത്തിനു നന്ദി ചെയ്യാത്തവന്‍ അധിക ഗുണങ്ങള്‍ക്കും നന്ദി ചെയ്യുകയില്ല. ജനങ്ങളോട് നന്ദി ചെയ്യാത്തവര്‍ക്ക് അല്ലാഹുവിനോടും നന്ദിയുണ്ടാവുകയില്ല -മുഹമ്മദ് നബി(സ)

മോദിയെ നയിച്ചത് അഹങ്കരം, എന്ത് ചെയ്യരുതെന്ന് എന്നെ പഠിപ്പിച്ചത് അദ്ദേഹം: രാഹുല്‍

 

ന്യൂഡല്‍ഹി: നിയമസഭാ തിരഞ്ഞെടുപ്പില്‍ മൂന്നു സംസ്ഥാനങ്ങളില്‍ മികച്ച വിജയം നേടിയ ശേഷം എന്ത് ചെയ്യരുത് എന്ന് തന്നെ പഠിപ്പിച്ചത് പ്രധാനമന്ത്രി നരേന്ദ്ര മോദിയാണെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. മോദിയെ നയിച്ചത് അഹങ്കരമായിരുന്നു. താന്‍ ഒരു രാഷ്ട്രീയ നേതാവിന്റെ ആവശ്യമായ വിനയത്തെക്കുറിച്ച് കൂടുതല്‍ ബോധവാനായി മാറിയത് 2014 ലെ തിരഞ്ഞെടുപ്പിന് ശേഷമാണ്.

മോദിക്ക് രാജ്യത്തിന്റെ ഹൃദയതാളം മനസിലാക്കാന്‍ കഴിഞ്ഞില്ല. കോണ്‍ഗ്രസ് ഉയര്‍ത്തെഴുന്നേറ്റു. വിജയത്തില്‍ സന്തോഷിക്കുന്നു. വരും കാലത്ത് തെലങ്കാനയിലും മെച്ചപ്പെട്ട പ്രകടനം കോണ്‍ഗ്രസ് നടത്തും. പാര്‍ട്ടി പ്രവര്‍ത്തകര്‍ മാത്രമല്ല കോണ്‍ഗ്രസിന്റെ വിജയത്തിന് കാരണം. കര്‍ഷകരും ബിസിനസുകാരും കച്ചവടക്കാരുമെല്ലാം കോണ്‍ഗ്രസിനെ തുണച്ചു.

തോല്‍വി നേരിട്ട ബിജെപി മന്ത്രിമാരേയും പ്രശംസിക്കുന്നു. ഇതിനാണ് മാറ്റത്തിന് ആവശ്യമായ സമയം. ഇനി വികസം എന്താണെന്ന് കോണ്‍ഗ്രസ് നടപ്പാക്കി കാണിക്കും. ബി.ജെ.പിയുടെ പ്രത്യയശാസ്ത്രത്തിനെതിരെ കോണ്‍ഗ്രസ് പോരാടും. പക്ഷേ ബി.ജെ.പി മുക്ത ഭാരതമെന്ന ചിന്ത തങ്ങള്‍ക്കില്ല. പക്ഷേ ബിജെപിക്കെതിരായ പോരാട്ടം തുടരുമെന്നും അദ്ദേഹം കൂട്ടിച്ചേര്‍ത്തു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.