2019 September 16 Monday
വിശുദ്ധനും പാപിയും തമ്മില്‍ ആകെയുള്ള വ്യത്യാസം, വിശുദ്ധന് ഒരു ഭൂതകാലമുണ്ടായിരുന്നുവെന്നതും, പാപിയ്ക്ക് ഒരു ഭാവികാലമുണ്ടെന്നതും മാത്രം.

തനിക്ക് മാത്രമായി സോഫ വേണ്ട, അതെടുത്തു മാറ്റൂ; റഷ്യയില്‍ ഫോട്ടോയ്ക്ക് പോസ് ചെയ്യുന്നതിനിടെ മോദിയുടെ ലാളിത്യം- വീഡിയോ

 

വ്ലാദിവസ്‌തോക്: രണ്ടു ദിവസത്തെ സന്ദര്‍ശനത്തിനായി പ്രധാനമന്ത്രി നരേന്ദ്ര മോദി റഷ്യയിലാണ്. ഇന്നലെ കിഴക്കന്‍ പ്രദേശമായ വ്ലാദിവസ്‌തോകിലെത്തിയ മോദിക്ക് നല്ല സ്വീകരണമാണ് ലഭിച്ചത്. അതിനിടെ, ഫോട്ടോ സെഷനില്‍ മോദിയുടെ പെരുമാറ്റം കാണിച്ച് ട്വിറ്ററില്‍ ഒരു വീഡിയോ പോസ്റ്റ് ചെയ്തിരിക്കുകയാണ് മന്ത്രി പിയൂഷ് ഗോയല്‍.

അഞ്ചാമത് കിഴക്കന്‍ സാമ്പത്തിക ഫോറത്തില്‍ സംബന്ധിക്കാനെത്തിയ മോദിയുടെ ഫോട്ടോഷൂട്ട് നടത്തുന്നതാണ് വീഡിയോ. നിരവധി ഉദ്യോഗസ്ഥരുടെ കൂട്ടത്തില്‍ മോദിക്കു മാത്രം പ്രത്യേകം സോഫയും ബാക്കിയുള്ളവര്‍ക്കെല്ലാം കസേരയുമാണ് ഇട്ടിരുന്നത്. എന്നാല്‍ മോദി എത്തി, തനിക്ക് മാത്രം എന്തിനാണ് സോഫയെന്ന് ചോദിച്ച് മറ്റുള്ളവര്‍ക്കിട്ട പോലെ തന്നെ കസേരയിടാന്‍ നിര്‍ദേശിക്കുകയായിരുന്നു.

മോദിയുടെ ലാളിത്യത്തെ വിശേഷിപ്പിക്കാന്‍ വാക്കുകളില്ലെന്നു പറഞ്ഞാണ് പിയൂഷ് ഗോയല്‍ ഈ വീഡിയോ ട്വീറ്റ് ചെയ്തിരിക്കുന്നത്.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.