2020 January 26 Sunday
യുദ്ധഭീതിയോടെ ഗൾഫ് മേഖല; മറ്റൊരു ഗൾഫ് യുദ്ധം താങ്ങാൻ ലോകത്തിനു ശേഷിയുണ്ടാകില്ലെന്ന് യു എൻ

പശുക്കളുമായി പോയ വാഹനം തടഞ്ഞു: ഗോരക്ഷകരെ കൈകാര്യം ചെയ്ത് നാട്ടുകാര്‍

പൂനെ: ഗോരക്ഷകര്‍ പശുവിന്റെ പേരില്‍ സാധാരണക്കാരെ മര്‍ദിച്ചു കൊലപ്പെടുത്തുന്ന സംഭവങ്ങള്‍ക്കിടയില്‍ നിന്നും വ്യത്യസ്തമായിതാ മറ്റൊരു സംഭവം.
മഹാരാഷ്ട്രയിലെ പൂനെയില്‍ പശുക്കളുമായി പോകുകയായിരുന്ന വാഹനം തടഞ്ഞ ഗോരക്ഷകരാണ് തിരിച്ച് ജനക്കൂട്ടത്തിന്റെ കൈയിന്റെ ചൂടറിഞ്ഞത്.

ശനിയാഴ്ച വൈകീട്ടായിരുന്നു പൂനെയിലെ അഹ്മദ് നഗറില്‍ ഗോരക്ഷകരെന്ന് അവകാശപ്പെടുന്നവര്‍ പശുക്കളെ കൊണ്ടുപോകുന്ന ടെംപോ തടഞ്ഞ് ആക്രമിച്ചത്. ഇതോടെ ഓടിക്കൂടിയ നാട്ടുകാരും ടെംപോയിലുണ്ടായിരുന്ന ജീവനക്കാരുമാണ് ഗോരക്ഷകരെ കൈകാര്യം ചെയ്തത്. അടിപിടിയില്‍ ഏഴോളം ഗോരക്ഷകര്‍ക്ക് പരുക്കേറ്റിട്ടുണ്ട്. ഇവരെ ആശുപത്രിയില്‍ പ്രവേശിപ്പിച്ചു. 11 പേര്‍ ചേര്‍ന്നാണ് വാഹനം തടഞ്ഞത്.

സംഭവത്തില്‍ കൊലപാതക ശ്രമതത്തിന് ടെംപോ ഡ്രൈവര്‍ രാജു ഷെയ്ഖ്, ഉടമ വാഹിദ് ഷെയ്ഖ് എന്നിവരെ പൊലിസ് അറസ്റ്റു ചെയ്തു. മഹാരാഷ്ട്ര മൃഗസംരക്ഷണ നിയമം അനുസരിച്ചാണ് ഇവര്‍ക്കെതിരേ കേസെടുത്തത്.

അനധികൃതമായി പശുക്കളെ അറവു ശാലയിലേക്ക് കൊണ്ടുപോകുന്നു എന്നു പറഞ്ഞാണ് ഗോരക്ഷകര്‍ വാഹനം തടഞ്ഞത്. ഇക്കാര്യം ഇവര്‍ പൊലിസില്‍ അറിയിക്കുകയും ചെയ്തു. ശ്രിഗോണ്ഡ പൊലിസ് സ്റ്റേഷന്‍ പരിധിയിലായിരുന്നു സംഭവം. അഖില ഭാരതീയ കൃഷി-ഗോസേവാ സംഘ നേതാവെന്ന് അവകാശപ്പെടുന്ന ശിവശങ്കര്‍ രാജേന്ദ്ര സ്വാമിയുടെ നേതൃത്വത്തിലാണ് വാഹനം തടയാന്‍ നിര്‍ദേശിച്ചത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.