2019 December 09 Monday
ഇന്ത്യയും സഊദിയും 2020 ലെ ഹജ്ജ് കരാർ ഒപ്പ് വെച്ചു

യുവ ഡോക്ടറുടെ ബൈക്കിന്റെ കാറ്റൊഴിച്ചത് നവീന്‍, നന്നാക്കി തരണോയെന്ന് ആരിഫ് ചോദിച്ചു, ലൈംഗിക അതിക്രമത്തിനായി യുവതിയെ പ്രതികള്‍ കെണിയില്‍ വീഴ്ത്തിയത് ഇങ്ങനെ; തെലങ്കാനയില്‍ പ്രതിഷേധം കത്തുന്നു

 

ഹൈദരാബാദ്: ഷാദ്‌നഗറില്‍ യുവ വെറ്ററിനറി ഡോക്ടര്‍ പ്രിയങ്ക റെഡ്ഡിയെ കൂട്ടബലാല്‍സംഗം ചെയ്ത് പെട്രോളൊഴിച്ച് കൊലപ്പെടുത്തിയ സംഭവത്തിലെ പ്രതികളെ രണ്ടാഴ്ചത്തേക്ക് ജുഡീഷ്യല്‍ കസ്റ്റഡിയില്‍ വിട്ടു. കേസില്‍ അറസ്റ്റിലായ ലോറി ഡ്രൈവര്‍ മുഹമ്മദ് ആരിഫ് (26), ലോറി ജീവനക്കാരായ ജൊല്ലു ശിവ (20), ജൊല്ലു നവീന്‍(20), ചന്നകേശവലു(20) എന്നിവരെയാണ് 14 ദിവസത്തേക്ക് കസ്റ്റഡിയില്‍ വിട്ട് തെലങ്കാനയിലെ ഷാദ്‌നഗര്‍ കോടതിഉത്തരവിട്ടത്.

കേസ് നടപടികളില്‍ പൊലിസിന് വീഴ്ചപറ്റിയെന്ന് ഡോക്ടറുടെ കുടുംബം ആരോപിച്ചു. സ്റ്റേഷനുകള്‍ തോറും കയറിയിറങ്ങിയിട്ടും പൊലിസ് സഹായിക്കാന്‍ തയാറായില്ലെന്നും തങ്ങളുടെ സ്റ്റേഷന്‍ പരിധിയിലല്ല സംഭവം നടന്നതെന്ന് ചൂണ്ടിക്കാട്ടി മറ്റു സ്റ്റേഷനുകളിലേയ്ക്ക് അവര്‍ പറഞ്ഞയക്കുകയായിരുന്നുവെന്നും കുടുംബം ആരോപിച്ചു. പ്രതികള്‍ നടത്തിയ ഹീനകൃത്യത്തിനെതിരെ ഇന്നലെ തെലങ്കാനയിലെ വിവിധ ഭാഗങ്ങളില്‍ പ്രതിഷേധ പരിപാടികള്‍ നടന്നു. കേസ് രജിസ്റ്റര്‍ ചെയ്ത ഷാദ്‌നഗര്‍ പൊലിസ് സ്റ്റേഷനു മുന്നില്‍ നൂറിലേറെ പേര്‍ സംഘടിച്ച് പൊലിസിനെതിരെ മുദ്രാവാക്യം വിളിച്ചു. കേസിലെ പ്രതികള്‍ക്ക് വേണ്ടി ഹാജരാവില്ലെന്ന് തെലങ്കാന ബാര്‍കൗണ്‍സില്‍ പ്രമേയം പാസാക്കി.

ബുധനാഴ്ച വൈകീട്ട് ആറുമണിയോടെയാണ് സംഭവങ്ങളുടെ തുടക്കം. പ്രതികള്‍ മുന്‍കൂട്ടി ആസൂത്രണംചെയ്താണ് കൃത്യം നടത്തിയത്. ഇതുപ്രകാരം യുവതി അറിയാതെ പ്രതി നവീന്‍ അവരുടെ ബൈക്കിന്റെ കാറ്റഴിച്ചു. ജോലി കഴിഞ്ഞ് അല്‍പ്പദൂരം ബൈക്കോടിച്ച യുവതിയോട് കാറ്റില്ലാത്ത കാര്യം ലോറി ഡ്രൈവര്‍ ആരിഫ് സൂചിപ്പിച്ചു. ബൈക്ക് ഞങ്ങള്‍ നന്നാക്കാമെന്ന് അവര്‍ക്ക് വാഗ്ദാനവും നല്‍കി. തുടര്‍ന്ന് ശിവയോട് ബൈക്ക് നന്നാക്കാന്‍ ആരിഫ് നിര്‍ദേശവും നല്‍കി. ഈ സമയത്ത് ബൈക്ക് കേടായ കാര്യവും താന്‍ തനിച്ചായ കാര്യവും യുവതി സഹോദരിയെ പോണിലൂടെ അറിയിച്ചു. അവരുടെ അവസാന ഫോണ്‍കോളും ഇതായിരുന്നു.

പിന്നീട് ചന്നകേശവലും ആരിഫും ചേര്‍ന്ന് യുവതിയെ ഒഴിഞ്ഞ സ്ഥലത്ത് കൊണ്ടുപോയി ബലാല്‍സംഗംചെയ്യുകയായിരുന്നു. കൂട്ടുപ്രതികള്‍ മടങ്ങിയെത്തി അവരും പീഡിപ്പിച്ചു. തുടര്‍ന്ന് ശ്വാസം മുട്ടിച്ചുകൊലപ്പെടുത്തിയ ശേഷം പെട്രോള്‍ ഒഴിച്ചുകത്തിക്കുകയായിരുന്നു. വ്യാഴാഴ്ച രാവിലെ വഴിയാത്രക്കാരാണ് മൃതദേഹം കണ്ടെത്തിയത്.

യുവതിയെ കാണാതിരുന്നതോടെ 9.44 നു സഹോദരി തിരികെ വിളിക്കുമ്പോള്‍ ഫോണ്‍ സ്വിച്ച് ഓഫ് ആയിരുന്നു. ഇതോടെയാണ് ഭീതിയിലായ സഹോദദരിയും കുടുംബവും പൊലിസിനെ അറിയിച്ചത്. എന്നാല്‍ സംഭവം നടന്നത് തങ്ങളുടെ സ്റ്റേഷന്‍ പരിധിയിലല്ലെന്നാണ് മറുപടി ലിഭിച്ചത്. പൊലിസില്‍ നിന്ന് സഹായം ലഭിക്കാതിരുന്നതോടെ പുലര്‍ച്ചെ മൂന്നു മണിയോടെ ഒറ്റയ്ക്ക് തിരച്ചില്‍ നടത്തിയെങ്കിലും ഫലമുണ്ടായില്ലെന്നും യുവതിയുടെ പിതാവ് പറഞ്ഞു.

യാതൊരു പ്രകോപനവുമില്ലാതെ എങ്ങിനെയാണ് മനുഷ്യര്‍ക്ക് ഇതുപോലെ മറ്റൊരു മനുഷ്യനോട് ചെയ്യാന്‍ കഴിയുന്നതെന്നും ഇരയുടെ കുടുംബത്തിന്റെ ദുഖത്തില്‍ പങ്കുചേരുന്നുവെന്നും കോണ്‍ഗ്രസ് നേതാവ് രാഹുല്‍ഗാന്ധി പറഞ്ഞു. കേസിന്റെ പുരോഗതി സംബന്ധിച്ച് ഇന്നലെ തെലങ്കാനയില്‍ നിന്നുള്ള കേന്ദ്ര ആഭ്യന്തര സഹമന്ത്രി ജി. കിഷന്‍ റെഡ്ഡി സംസ്ഥാന പൊലിസുമായി ടെലിഫോണിലൂടെ ചര്‍ച്ചനടത്തി.

Missing Doctor Priyanka Reddy’s Burnt Body Found In Hyderabad


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News