Gallery
മണിപ്പൂര്‍ ഉപരോധക്കുടുക്കില്‍
കുറച്ചു മാസങ്ങളായി വടക്കു-കിഴക്കന്‍ സംസ്ഥാനമായ മണിപ്പൂരില്‍ ഏര്‍പ്പെടുത്തിയ സാമ്പത്തിക ഉപരോധം അവിടെയുള്ളവരുടെ ജീവിതത്തെ കാര്യമായി ബാധിച്ചിരിക്കുകയാണ്. ഒഖ്‌റാം ഇദോബി സിങ് സര്‍ക്കാര്‍ മണിപ്പൂരില്‍ പുതിയ ജില്ലകള്‍ രൂപീകരിക്കാനൊരുങ്ങിയതോടെയാണ് പ്രതിഷേധം പൊട്ടിപ്പുറപ്പെടുന്നത്. യുനൈറ്റഡ് നാഗാ കൗണ്‍സിലും നാഗാ സംഘടകളും ചേര്‍ന്നാണ് സാമ്പത്തിക ഉപരോധം ഏര്‍പ്പെടുത്തിയിരിക്കുന്നത്.
-
- ഡിസംബര്‍ 15ന് പുതുതായി രൂപീകരിച്ച തെങ്ക്‌നോപാല്‍ ജില്ലയുടെ ഉദ്ഘാടനത്തിനിടെ സുരക്ഷയൊരുക്കിയ മൂന്ന് പൊലിസുകാര്‍ പ്രതിഷേധക്കാരാല്‍ കൊല്ലപ്പെട്ടു. മറ്റ് ഒന്‍പതു പേര്‍ക്ക് പരുക്കേല്‍ക്കുകയും ചെയ്തു. ഉപരോധം ആരോഗ്യമേഖലെയും തകിടംമറിച്ചു. ഇംഫാലിലെ ഒരു ആശുപത്രിയിലെ ക്യൂ.
-
- പ്രതിഷേധം അതിരുകടക്കുകയും ബസുകളടക്കം നിരവധി വാഹനങ്ങള്‍ അഗ്നിക്കിരയാക്കുകയും ചെയ്തു. തീരുമാനത്തില്‍ നിന്ന് അണുകിട പിന്‍വലിയില്ലന്ന നിലപാടില്‍ സര്‍ക്കാര്‍ ഉറച്ചുനിന്നു. പ്രതിഷേധക്കാരെ നേരിടാന്‍ കേന്ദ്ര സര്‍ക്കാര്‍ സൈന്യത്തെയും അയച്ചു. മണിപ്പൂരിലെ പല ഭാഗത്തും മൊബൈല്‍ നെറ്റിന് വിലക്കേര്‍പ്പെടുത്തി.
-
- മുട്ട, ഉരുളക്കിഴങ്ങ്, എണ്ണ ഇങ്ങനെ തുടങ്ങി അവശ്യ സാധനങ്ങളൊന്നും മണിപ്പൂരില്‍ ലഭിക്കാതായിരിക്കുകയാണിപ്പോള്‍. ഏറെ പ്രശസ്തമായ ഇമ മാര്‍ക്കറ്റ് പോലും പൂട്ടിയ സ്ഥിതിയിലാണ്.
-
- ഡിസംബര്‍ എട്ടിന് പുതിയ ഏഴു ജില്ലകള്‍ രൂപീകരിക്കാന്‍ വേണ്ടി സംസ്ഥാന സര്‍ക്കാര്‍ അന്തിമ വിജ്ഞാപനമിറക്കി. സദര്‍ ഹില്‍ ജില്ലയ്ക്കു പകരമായി കാംപോക്പി എന്ന ജില്ലയാണ് ഉള്‍പ്പെടുത്തിയത്. പക്ഷെ, ഇതുകൊണ്ടൊന്നും പ്രതിഷേധം നിന്നില്ല.
-
- റോഡ് ഉപരോധത്തിനു പിന്നാലെ നവംബര്‍ 25ന് മണിപ്പൂരില്‍ മൊത്തം ബന്ദിന് നാഗാ സംഘടനകള്‍ ആഹ്വാനം ചെയ്തു. ഇതോടെ യു.എന്‍.സിയുടെ പ്രസിഡന്റ് ഗയ്‌ദോന്‍ കമേയിയും സെക്രട്ടറി സ്റ്റീഫന്‍ ലാംകാങും അറസ്റ്റിലായി.
-
- നവംബര്‍ എട്ടിന് കേന്ദ്ര സര്‍ക്കാര്‍ നോട്ട് നിരോധനം കൂടി പ്രഖ്യാപിച്ചതോടെ മണിപ്പൂര്‍ പൂര്‍ണമായും പ്രതിസന്ധിയിലായി.
-
- നവംബര്‍ ഒന്നു മുതലാണ് അനിശ്ചിതകാല സാമ്പത്തിക ഉപരോധം ഏര്‍പ്പെടുത്തുന്നത്. ഇതിന്റെ ഭാഗമായി 2, 37 എന്നീ ദേശീയപാതകളില്‍ ട്രക്കുകളെ തടഞ്ഞുവയ്ക്കാന്‍ തുടങ്ങി. നാഗാ ഗ്രാമങ്ങളില്‍ വച്ചാണ് ഇവ തടയാന്‍ തുടങ്ങിയത്. 100 കിലോ മീറ്റര്‍ ദൂരം വരും ഇത്.
-
- സദര്‍ ഹില്‍സ് എന്നതടക്കം ഏഴു പുതിയ ജില്ലകള്‍ രൂപീകരിക്കാനാണ് സര്‍ക്കാര്‍ തീരുമാനിച്ചിരിക്കുന്നത്. എന്നാല്‍ ഇതിനെ നഖശിഖാന്തം എതിര്‍ക്കുകയാണ് പ്രബല വിഭാഗമായ നാഗ.
-
- അവശ്യ സാധനങ്ങളുടെ വില കുത്തനെ കൂടി. പെട്രോളിന് ലിറ്ററിന് 300 രൂപ വരെയെത്തിയിരിക്കുകയാണിപ്പോള്‍. പാചകവാതക സിലിണ്ടറിന് 3000 രൂപവരെയെത്തി. എങ്കിലും ഇതൊന്നും കിട്ടാത്ത സ്ഥിതിയാണുള്ളത്.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
