2020 May 26 Tuesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

നാട്ടിലേക്ക് പോകുന്നതിനു മണിക്കൂറുകൾക്ക് മുമ്പ് മലയാളി റിയാദിൽ മരിച്ചു

റിയാദ്: നാട്ടിലേക്ക് പോകാനുള്ള ഒരുക്കങ്ങൾ പൂർത്തിയാക്കിയ മലയാളി യുവാവ് റിയാദിൽ മരിച്ചു. പാലക്കാട് ഷൊർണൂർ സ്വദേശി മങ്ങാട്ട് ജയറാം (43) ആണ് യാത്ര തിരിക്കുന്നതിന് ഏതാനും മണിക്കൂറുകൾക്ക് മുമ്പ് മരിച്ചത്. കരൾ രോഗവും പ്രമേഹവും മറ്റു രോഗങ്ങളും മൂലം ഏറെ ദിവസമായി റിയാദിലെആശുപത്രിയിൽ കഴിഞ്ഞതിനു ശേഷം ഡിസ്‌ചാർജായി വെള്ളിയാഴ്ച്ച പുലർച്ചെ 12:50 ന് നാട്ടിലേക്ക് പോകാനിരിക്കെ വ്യാഴാഴ്ച്ച ഉച്ചതിരിഞ്ഞു മൂന്നോടെ മരണത്തിനു കീഴടങ്ങിയത്. ഡിസ്‌ചാർജിനു ശേഷം പതിനഞ്ചു ദിവസമായി സാമൂഹ്യ പ്രവർത്തകരുടെ സംരക്ഷണയിൽ കഴിയുകയായിരുന്നു. വിമാനത്തിൽ വീൽ ചെയറിൽ ഇരുന്നു യാത്ര ചെയ്യുന്നതിനുള്ള നടപടിക്രമങ്ങൾ മുഴുവൻ പൂർത്തിയായിരുന്നു.
         മൂന്നു മാസം മുമ്പാണ് റിയാദിലെ സ്വാകാര്യ കമ്പനിയിൽ അകൗണ്ടാന്റ് ജോലിക്കായി എത്തിയത്. ആശുപത്രിയിൽ ചികിത്സക്കുള്ള പണം ആശുപത്രി അധികൃതർ ഒഴിവാക്കി കൊടുത്തിട്ടുണ്ട്. ശുമേസി ആശുപത്രിയിൽ സൂക്ഷിച്ചിരിക്കുന്ന മൃതദേഹം നാട്ടിലെത്തിക്കാൻ ശ്രമം ആരംഭിച്ചിട്ടുണ്ട്. ഭാര്യ പ്രിയ ഒമാനിൽ നഴ്‌സായി ജോലി ചെയ്‌തു വരികയാണ്. പത്താം ക്ലാസ് വിദ്യാർത്ഥിനിയായ മകളുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News