2020 March 30 Monday
മധ്യേഷ്യൻ സമാധാന കരാർ ചൊവ്വാഴ്ച്ച പ്രഖ്യാപിക്കുമെന്ന് ട്രംപ്

കേന്ദ്രത്തിന്റെ രാഷ്ട്രീയ പകയുടെ ഇര; തപസ് പാലിന്റെ മരണത്തില്‍ ആഞ്ഞടിച്ച് മമത

കൊല്‍ക്കത്ത: ബംഗാളി നടനും മുന്‍ തൃണമൂല്‍ കോണ്‍ഗ്രസ് എം.പിയുമായ തപസ് പാലിന്റെ മരണത്തില്‍ കേന്ദ്രസര്‍ക്കാരിനെതിരെ വിമര്‍ശനവുമായി പശ്ചിമബംഗാള്‍ മുഖ്യമന്ത്രി മമതാ ബാനര്‍ജി.

ഹൃദയാഘാതമായിരുന്നു തപസ് പാലിന്റെ മരണ കാരണം. 61 വയസായിരുന്നു ഇദ്ദേഹത്തിന്.കേന്ദ്രസര്‍ക്കാരിന്റെ അന്വേഷണ ഏജന്‍സികളില്‍ നിന്നും വലിയ സമ്മര്‍ദ്ദം തപസ് പാലിന് നേരിടേണ്ടി വന്നിരുന്നതായി മമത ആരോപിച്ചു.

‘ കേന്ദ്രത്തിന്റെ പ്രതികാര രാഷ്ട്രീയം അപലപനീയമാണ്. മൂന്ന് പേര്‍ക്കാണ് ഇത്തരത്തില്‍ ജീവന്‍ നഷ്ടപ്പെട്ടതെന്നും മമത പറഞ്ഞു.

അതില്‍ ഒന്ന് മുന്‍ ടി.എം.പി എം.പി സുല്‍ത്താന്‍ അഹമ്മദ്. അതിന് ശേഷം തൃണമൂല്‍ കോണ്‍ഗ്രസ് എം.പി പ്രസൂണ്‍ ബാനര്‍ജിയുടെ ഭാര്യയുമാണ്.

നിയമം അതിന്റെ വഴിക്ക് പോകണം. മാനഹാനിയാണ് ഇങ്ങനെ അളുകളെ ഇല്ലാതാക്കുന്നതെന്ന് മമത ബാനര്‍ജി പറഞ്ഞു.

മകളെ കാണാന്‍ മുംബൈ വിമാനത്താവളത്തിലെത്തിയപ്പോഴാണ് തപസിന് ഹൃദയാഘാതം ഉണ്ടായത്. ഉടന്‍തന്നെ ആശുപത്രിയില്‍ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു. ഹൃദയസംബന്ധമായ അസുഖങ്ങള്‍ മൂലം ദീര്‍ഘനാളുകളായി ചികിത്സയിലായിരുന്നു അദ്ദേഹം.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.