2019 May 23 Thursday
നമ്മുടെ ഭാവിയുടെ സ്രഷ്ടാക്കള്‍ മറ്റാരുമല്ല; നമ്മള്‍ തന്നെയാണ്! -മഹാവീരന്‍

ഒമാന്‍ പെട്രോള്‍ സ്റ്റേഷനില്‍ നിന്നും മലയാളി ജീവനക്കാരനെ തട്ടിക്കൊണ്ടുപോയതായി റിപ്പോര്‍ട്ട്

മനാമ: ഒമാനിലെ പെട്രോള്‍ സ്റ്റേഷനില്‍ നിന്നും മലയാളിയായ ജീവനക്കാരനെ തട്ടിക്കൊണ്ടുപോയതായി റിപ്പോര്‍ട്ട്. ഒമാനിലെ ബുറൈമിക്ക് സമീപം സുനൈനയിലെ പെട്രോള്‍ സ്റ്റേഷനില്‍ ജോലി ചെയ്യുന്ന കോട്ടയം സ്വദേശി ജോണ്‍ ഫിലിപ്പിനെയാണ് അജ്ഞാതര്‍ തട്ടിക്കൊണ്ടുപോയതായി റിപ്പോര്‍ട്ടുള്ളത്. എന്നാല്‍, ഇതു സംബന്ധിച്ച ഔദ്യോഗിക റിപ്പോര്‍ട്ടുകള്‍ ഇതുവരെ ലഭ്യമായിട്ടില്ല.
പെട്രോള്‍ സ്റ്റേഷനിലെ മാനേജരായിരുന്നു ജോണ്‍. കഴിഞ്ഞ വെള്ളിയാഴ്ച രാത്രി പത്തു മണിയോടെ ഈ പെട്രോള്‍ സ്റ്റേഷനില്‍ ഒരു മോഷണശ്രമവും നടന്നിരുന്നു. ജോണ്‍ ഇതിനെ ചെറുത്തിരുന്നു. ഈ സംഭവത്തിനു ശേഷം കഴിഞ്ഞ ദിവസം മുതലാണ് ജോണിനെ കാണാതാകുന്നത്. ജോണ്‍ ഒറ്റയ്ക്കാണ് ഈ പെട്രോള്‍ പമ്പില്‍ ജോലി ചെയ്തിരുന്നത്. ഇതിനിടെയാണ് ജോണിനെ ഇവിടെ നിന്നും അജ്ഞാതര്‍ തട്ടിക്കൊട്ടുപോയതാണെന്ന രീതിയില്‍ വാര്‍ത്ത പരന്നിരിക്കുന്നത്. അതേ സമയം, പെട്രോള്‍ സ്റ്റേഷനില്‍ പരസ്പരം മല്‍പ്പിടുത്തം നടന്നതായി സംശയിപ്പിക്കുന്ന രീതിയില്‍ രക്തപ്പാടുകളും കാണുന്നുണ്ട്. സംഭവത്തെ കുറിച്ച് ഒമാന്‍ പൊലിസ് അന്വേഷണം ആരംഭിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.