2019 May 25 Saturday
നമ്മുടെ ഭാവിയുടെ സ്രഷ്ടാക്കള്‍ മറ്റാരുമല്ല; നമ്മള്‍ തന്നെയാണ്! -മഹാവീരന്‍

സ്‌കൂള്‍ വാന്‍ കുളത്തിലേക്ക് മറിഞ്ഞ അപകടം ഡ്രൈവറുടെ അശ്രദ്ധമൂലമെന്ന് റിപ്പോര്‍ട്ട്

കൊച്ചി: മരടില്‍ സ്‌കൂള്‍ വാന്‍ കുളത്തിലേക്ക് മറിഞ്ഞ് രണ്ടു കുട്ടികളും ആയയും മരിച്ച അപകടത്തിനു കാരണം ഡ്രൈവറുടെ അശ്രദ്ധയെന്ന് റിപ്പോര്‍ട്ട്. വീതി കുറഞ്ഞ റോഡില്‍ അമിതവേഗതയിലാണ് വാന്‍ ഓടിച്ചിരുന്നതെന്നാണ് ആര്‍ടിഒ റിപ്പോര്‍ട്ട് നല്‍കിയിരിക്കുന്നത്. സ്ഥലപരിചയം ഉള്ളയാളാണ് ഡ്രൈവര്‍. അശ്രദ്ധകൊണ്ടല്ലാതെ ഇത്തരം അപകടങ്ങള്‍ സംഭവിക്കില്ല. ഡ്രൈവറുടെ ലൈസന്‍സ് റദ്ദാക്കണമെന്നും റിപ്പോര്‍ട്ടില്‍ പറയുന്നു.

അതേസമയം കൊച്ചിയിലെ സ്‌കൂള്‍ ബസുകളില്‍ മോട്ടോര്‍ വാഹന വകുപ്പ് പരിശോധന നടത്തുകയാണ്.

ഇന്നലെ മരട് കാട്ടിത്തറ റോഡിലെ ഇല്ലത്തുപറമ്പില്‍ കുളത്തിലാണ് ദാരുണമായ സംഭവം. മരട് ആയത്തറ പറമ്പില്‍ സനലിന്റ മകള്‍ വിദ്യാലക്ഷ്മി (4), മരട് അയനി ബണ്ട് റോഡില്‍ ശ്രീജിത്തിന്റെ മകന്‍ ആദിത്യന്‍ (4), സ്‌കൂളിലെ ആയയായ മരട് വിക്രം സാരാഭായ് റോഡിലെ ഉണ്ണിയുടെ ഭാര്യ ലത (45) എന്നിവരാണ് മരിച്ചത്

കിഡ്‌സ് വേള്‍ഡ് എന്ന ഡേ കെയര്‍ സ്ഥാപനത്തിന്റെ വാനാണ് അപകടത്തില്‍പ്പെട്ടത്. എട്ടു കുട്ടികളുമായിട്ടാണ് ഡേ കെയറില്‍ നിന്ന് വാഹനം പുറപ്പെട്ടത്. അഞ്ച് കുട്ടികളെ വീടുകളില്‍ എത്തിച്ച ശേഷം മൂന്നുപേരെ കൂടി ഇറക്കാന്‍ പോകുന്നതിനിടെയാണ് വാഹനം മറിഞ്ഞത്. എതിരേവന്ന സൈക്കിളിന് സൈഡ് കൊടുക്കാന്‍ ശ്രമിക്കുന്നതിനിടെ കുളത്തിലേക്ക് വാഹനം മറിയുകയായിരുന്നു.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.