2020 July 15 Wednesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

കോവിഡ് ബാധിച്ച് മരണപ്പെട്ട പ്രവാസികളുടെ കുടുംബങ്ങള്‍ക്ക് ധന സഹായം നല്‍കണം : കെ.ഐ.സി

 

കുവൈത്ത് സിറ്റി:കോവിഡ് 19 മഹാമാരി മൂലം വിദേശത്ത് വെച്ച് മരണമടഞ്ഞ പാവപ്പെട്ട പ്രവാസികളുടെ കുടുംബങ്ങള്‍ക്ക് സഹായ ധനം നല്‍കുന്ന കാര്യം കേരള സര്‍ക്കാര്‍ ഗൗരവപൂര്‍വം പരിഗണിക്കണമെന്ന് കുവൈത്ത് ഇസ്ലാമിക് കൗണ്‍സില്‍ ഭാരവാഹികള്‍ ആവശ്യപ്പെട്ടു.

ഗള്‍ഫ് മേഖലകളിലടക്കം നൂറില്‍ പരം പ്രവാസി മലയാളികള്‍ വിദേശത്ത് വെച്ച് കോവിഡ് ബാധിച്ച് മരണപ്പെട്ടിട്ടുണ്ട്. മാസങ്ങളായി വരുമാനങ്ങള്‍ നിലച്ച് നിത്യവൃത്തിക്ക് പോലും പരസഹായം തേടേണ്ടി വരുന്ന സ്ഥിതി വിശേഷമാണ് നിലവിലുളളത്. ഇത്തരം ദുരിതപൂര്‍ണ്ണമായ സാഹചര്യങ്ങളില്‍ ജീവിതം നയിക്കുന്നതിനിടെ രോഗ ബാധയേറ്റാണ് പലരും മരണമടയുന്നത്.

നിലവിലെ സാമ്പത്തികവും സാമൂഹികവുമായ സാഹചര്യങ്ങളില്‍ ജോലി ചെയ്തിരുന്ന സ്ഥാപനങ്ങളില്‍ നിന്നും മറ്റും സാമ്പത്തിക സഹായങ്ങള്‍ ലഭിക്കാനുളള സാധ്യതയും വിരളമാണ്.

നാടിന്റെ പുരോഗതിയിലും, സമ്പദ്ഘടനയിലും വലിയൊരു പങ്കു വഹിക്കുന്ന പ്രവാസി സമൂഹത്തെ അവരുടെ പ്രതിസന്ധി ഘട്ടങ്ങളില്‍ സംരക്ഷിക്കേണ്ട ബാധ്യത സര്‍ക്കാരിനുണ്ട്.

ഈ സാഹചര്യങ്ങളെല്ലാം പരിഗണിച്ച് എല്ലാ പ്രതീക്ഷകളും അസ്തമിച്ച നിലയില്‍ നാട്ടില്‍ കഴിയുന്ന മരണപ്പെട്ട പ്രവാസികളുടെ കുടുംബാംഗങ്ങള്‍ക്ക് സാന്ത്വനമേകുന്ന സാമ്പത്തിക പാക്കേജ് ഉടന്‍ പ്രഖ്യാപിക്കണമെന്നും,ആവശ്യമായ നടപടികള്‍ കൈക്കൊള്ളണമെന്നും കെ.ഐ.സി ഭാരവാഹികള്‍ വാര്‍ത്താക്കുറിപ്പില്‍ അഭ്യര്‍ത്ഥിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.