2019 August 23 Friday
നീ വിധിപറയുകയാണെങ്കില്‍ നീതിപൂര്‍വം വിധിപറയുക. നിശ്ചയം, അല്ലാഹു നീതിമാന്മാരെ സ്‌നേഹിക്കുന്നു. ഖുര്‍ആന്‍ (5:42)

കുമാരസ്വാമി സര്‍ക്കാര്‍ വീണു

  • 99നെതിരേ 105 വോട്ടുകള്‍ക്കാണ് വിശ്വാസവോട്ടെടുപ്പില്‍ പരാജയപ്പെട്ടത്‌
  • .കുമാരസ്വാമി ഗവര്‍ണര്‍ക്ക്‌ രാജിക്കത്ത് കൈമാറി

ബംഗളൂരു: ദിവസങ്ങള്‍ നീണ്ടുനിന്ന അനിശ്ചിതത്വങ്ങള്‍ക്കൊടുവില്‍ കര്‍ണാടക നാടകത്തിന് അന്ത്യമായി. അല്‍പസമയം മുന്‍പ് നടന്ന വിശ്വാസ വോട്ടെടുപ്പില്‍ കോണ്‍ഗ്രസ്-ജെ.ഡി.എസ് സഖ്യസര്‍ക്കാര്‍ പരാജയപ്പെട്ടു. 99 നെതിരേ 105 വോട്ടുകള്‍ക്കാണ് പരാജയപ്പെട്ടത്. 99 കോണ്‍ഗ്രസ്-ജെ.ഡി.എസ് എംഎല്‍എമാര്‍ സഭയിലെത്തിയപ്പോള്‍ ബി.ജെ.പിയുടെ 105 പേരാണ് വിശ്വാസ വോട്ടെടുപ്പിനെ എതിര്‍ത്ത് വോട്ട് ചെയ്തത്.

നേരത്തെ വിശ്വാസ പ്രമേയ ചര്‍ച്ചയ്ക്കിടെ തന്നെ കുമാര സ്വാമി രാജിക്ക് സന്നദ്ധത അറിയിച്ചിരുന്നു. വിമതര്‍ക്കു വേണ്ടി താന്‍ മാപ്പുചോദിക്കുന്നുവെന്നും തനിക്ക് മനം മടുത്തുവെന്നും സഭയില്‍ മുഖ്യമന്ത്രി എച്ച്.ഡി കുമാര സ്വാമി പറഞ്ഞു. സംസ്ഥാനത്തെ തന്നെയാണ് വിമത എം.എല്‍.എമാര്‍ പ്രതിസന്ധിയിലാക്കിയിരിക്കുന്നത്. ഇതില്‍ ഞാന്‍ വ്യക്തിപരമായി മാപ്പു ചോദിക്കുന്നു. മുഖ്യമന്ത്രി പദവി രാജിവയ്ക്കാന്‍ തയാറാണെന്നുമായിരുന്നു കുമാരസ്വാമി നേരത്തെ പറഞ്ഞിരുന്നത്.

അതേസമയം വിശ്വാസ വോട്ടെടുപ്പില്‍ തോറ്റാലും കോണ്‍ഗ്രസ്-ജെ.ഡി.എസ് സഖ്യം തുടരുമെന്ന് കര്‍ണാടകയുടെ നിരീക്ഷണ ചുമതലയുള്ള കെ.സി വേണുഗോപാല്‍ പറഞ്ഞു.

കുമാരസ്വാമി ഗവര്‍ണറെ വസതിയില്‍ സന്ദര്‍ശിച്ച് രാജിക്കത്ത് കൈമാറി. ബി.എസ് യെഡ്യൂരിയപ്പയെ പാര്‍ലമെന്ററി പാര്‍ട്ടി നേതാവായി ബി.ജെ.പി തെരഞ്ഞെടുത്തു. ഗവര്‍ണറെ കണ്ട് ഭരണത്തിന് അവകാശമുന്നയിക്കാനാണ് ബി.ജെ.പി തീരുമാനം.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.