2019 July 17 Wednesday
മടിയന്മാരുടെയും മൂഢന്മാരുടെയും പ്രവൃത്തി ദിവസം എന്നും നാളെയായിരിക്കും

2004ല്‍ മാവേലിക്കരയിലെ ബി.ജെ.പി സ്ഥാനാര്‍ത്ഥിയായിരുന്ന എസ്. കൃഷ്ണകുമാര്‍ ‘വീണ്ടും’ ബി.ജെ.പിയില്‍

 

കൊല്ലം: കൊല്ലത്തെ കോണ്‍ഗ്രസ് മുന്‍ എം.പി.യും കേന്ദ്രമന്ത്രിയും ഐ.എ.എസ് ഉദ്യോഗസ്ഥനുമായിരുന്ന എസ്. കൃഷ്ണകുമാര്‍ വീണ്ടും ബി.ജെ.പി.യില്‍. ഡല്‍ഹിയില്‍ നടന്ന ചടങ്ങില്‍ ബി.ജെ.പി. ദേശീയവക്താവ് സയ്യിദ് ഷാനവാസ് ഹുസൈന്‍ അദ്ദേഹത്തെ പൂച്ചെണ്ട് നല്‍കി സ്വീകരിച്ചു. 1984 മുതല്‍ 1991 വരെ കൊല്ലം ലോക്‌സഭ മണ്ഡലത്തെ പ്രതിനിധീകരിച്ച കൃഷ്ണകുമാര്‍ രാജീവ്ഗാന്ധി, നരസിംഹറാവു മന്ത്രിസഭകളില്‍ അംഗമായിരുന്നിട്ടുണ്ട്. പിന്നീട് കോണ്‍ഗ്രസ്സില്‍ സ്ഥാനങ്ങള്‍ ലഭിക്കാതിരുന്നതോടെ 2003ല്‍ പാര്‍ട്ടി വിട്ട അദ്ദേഹം, ബി.ജെ.പിയില്‍ ചേര്‍ന്നു. 2004ലെ ലോക്‌സഭ തിരഞ്ഞെടുപ്പില്‍ മാവേലിക്കരയില്‍ ബി.ജെ.പി സ്ഥാനാര്‍ഥിയുമായി. രാഹുല്‍ ഗാന്ധിയുടെയും സോണിയ ഗാന്ധിയുടെയും നേതൃത്വത്തില്‍ പ്രതിഷേധിച്ചാണ് രാജിയെന്നായിരുന്നു കൃഷ്ണകുമാര്‍ അന്നു പറഞ്ഞിരുന്നത്. നരസിംഹ റാവുവിനെ സോണിയ അപമാനിച്ചതായും കൃഷ്ണകുമാര്‍ ആരോപിച്ചിരുന്നു.
2004ലെ തെരഞ്ഞെടുപ്പില്‍ പരാജയപ്പെട്ട അദ്ദേഹം പിന്നീട് ബി.ജെ.പിയുമായി അകന്നു. ലോക്‌സഭാ തെരഞ്ഞെടുപ്പ് കാലത്ത് വീണ്ടും ബി.ജെ.പിയുമായി അടുത്ത അദ്ദേഹത്തിന് ഇന്നു ഡല്‍ഹിയിലെ പാര്‍ട്ടി ആസ്ഥാനത്തുവച്ച് അംഗത്വം നല്‍കുകയായിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.