2018 November 21 Wednesday
ജനങ്ങളേ, നിങ്ങള്‍ക്ക് നിങ്ങളുടെ നാഥനിങ്കലില്‍നിന്നുള്ള തത്വോപദേശങ്ങളും ശമനവും മാര്‍ഗദര്‍ശനവും സത്യവിശ്വാസികള്‍ക്ക് കാരുണ്യവും വന്നെത്തിയിരിക്കുന്നു

ബഹ്‌റൈനില്‍ കൊട്ടാരക്കര സ്വദേശി കുഴഞ്ഞുവീണു മരിച്ചു

  • മൃതദേഹം തിങ്കളാഴ്ച നാട്ടിലെത്തിക്കും
സി.എഛ്.ആര്‍ കൊമ്പംകല്ല്

മനാമ: ബഹ്‌റൈനില്‍ കൊല്ലം കൊട്ടാരക്കര സ്വദേശി കുഴഞ്ഞുവീണു മരിച്ചു. കൊട്ടാരക്കര ഓടനാവട്ടം സ്വദേശി  സജീവ് കുമാര്‍ (38) ആണ് കഴിഞ്ഞ ദിവസം സല്‍മാനിയ ആശുപത്രിയില്‍ വച്ച് മരിച്ചത്. പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങിയ വീണ്ടും ബഹ്‌റൈനിലെത്തിയതായിരുന്നു സജീവ് കുമാര്‍. നീണ്ട 15 വര്‍ഷത്തെ പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങിയ സജീവ് കുമാര്‍ മൂന്നു മാസം മുമ്പാണ് ബഹ്‌റൈനില്‍ തിരിച്ചെത്തിയത്.
ഇവിടെ ഗുദൈബിയ കേന്ദ്രമായി പ്രവര്‍ത്തിക്കുന്ന അസ്‌കോണ്‍ കോണ്‍ട്രാക്ടിംഗ് കമ്പനിയില്‍ പ്ലംബറായി ജോലി ചെയ്ത് വരികയായിരുന്ന സജീവ് കുമാര്‍ കഴിഞ്ഞ വ്യാഴാഴ്ചയാണ് കുഴഞ്ഞുവീഴുന്നത്. തുടര്‍ന്ന് ഇദ്ദേഹത്തെ സല്‍മാനിയ ആശുപത്രി തീവ്രപരിചരണ വിഭാഗത്തില്‍ പ്രവേശിപ്പിച്ചു. പരിശോധനയില്‍ സജീവ് കുമാറിന്റെ തലച്ചോറില്‍ രക്തം കട്ട പിടിച്ചിരുന്നതായി കണ്ടെത്തിയിരുന്നു. ഭാര്യയും മക്കളും നാട്ടിലാണ്. പഞ്ചവിള വീട്ടില്‍ കാര്‍ത്തികേയനാണ് പിതാവ്, ഭാര്യ അശ്വിനി,  മൃതദേഹം നാട്ടിലേക്ക് കൊണ്ടുപോകാനുള്ള നടപടിക്രമങ്ങള്‍ സുഹൃത്ത് എല്‍ദോയുടെ നേതൃത്വത്തില്‍ പുരോഗമിക്കുന്നു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.