2019 December 13 Friday
ഐക്യാഹ്വാനം ചെയ്ത് റിയാദിൽ ഗൾഫ് ഉച്ചകോടി

യുദ്ധത്തിന് തയാറായിരിക്കാന്‍ സൈന്യത്തോട് കിം

 

പോങ്‌യാങ്: സൈന്യത്തോട് യുദ്ധത്തിനു തയാറായിരിക്കാന്‍ ഉത്തരവിട്ട് ഉത്തര കൊറിയന്‍ ഏകാധിപതി കിം ജോങ് ഉന്‍. വ്യാഴാഴ്ചയും ഇന്നലെയുമായി മൂന്ന് മിസൈലുകള്‍ പരീക്ഷിച്ച ശേഷമായിരുന്നു രാഷ്ട്രത്തലവന്റെ നിര്‍ദേശം. ഒരാഴ്ചയ്ക്കുള്ളില്‍ രണ്ടാം തവണയാണ് ഉത്തര കൊറിയ മിസൈല്‍ പരീക്ഷണം നടത്തുന്നത്.
എന്നാലിത് പതിവു സൈനികപരിശീലനത്തിന്റെ ഭാഗമായിരുന്നുവെന്ന് ഉത്തര കൊറിയ അറിയിച്ചു.

എന്നാല്‍ മിസൈല്‍ പരീക്ഷണം പുതിയ ആയുധ വിന്യാസത്തിന്റെ ഭാഗമായിരിക്കാമെന്ന് ദക്ഷിണ കൊറിയ അഭിപ്രായപ്പെട്ടു. കിം ജോങ് ഉന്‍ മിസൈല്‍ പരീക്ഷണം വീക്ഷിക്കുന്ന ചിത്രങ്ങള്‍ ഉത്തര കൊറിയയുടെ ദേശീയ മാധ്യമം പുറത്തുവിട്ടു. അതേസമയം ഉത്തര കൊറിയ പരീക്ഷിച്ചത് മൂന്ന് ഹ്രസ്വദൂര ബാലിസ്റ്റിക് മിസൈലുകളാണെന്ന് യു.എസ് പറഞ്ഞു. കിം ജോങ് ഉനുമായുള്ള തന്റെ ബന്ധങ്ങള്‍ ഇതുമൂലം തകരില്ലെന്ന് യു.എസ് പ്രസിഡന്റ് ഡൊണാള്‍ഡ് ട്രംപ് പ്രതികരിച്ചു. ഇത് ആരെയും സന്തോഷിപ്പിക്കുന്ന കാര്യമല്ല. ബന്ധങ്ങള്‍ തുടരും. എന്താണ് സംഭവിക്കുകയെന്ന് നമുക്ക് നോക്കാം- ട്രംപ് പറഞ്ഞു.

എന്നാല്‍ ട്രംപുമായുള്ള വിയറ്റ്‌നാം ഉച്ചകോടി തകര്‍ന്നതിലെ നിരാശയാണ് ഏതാനും ആഴ്ചകളായി തുടരുന്ന കിമ്മിന്റെ മിസൈല്‍ പരീക്ഷണങ്ങള്‍ക്കു പിന്നിലെന്ന് പറയപ്പെടുന്നു. എന്നാല്‍ ഇവ അത്ര വലിയ പ്രകോപനമല്ലെന്ന് യുദ്ധ നിരീക്ഷകന്‍ തോമസ് സാന്‍ഡേഴ്‌സന്‍ അഭിപ്രായപ്പെട്ടു. അവ ഭൂഖണ്ഡാന്തര മിസൈലുകളോ ആണവ പരീക്ഷണമോ അല്ലെന്നും അദ്ദേഹം പറഞ്ഞു.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News