2020 June 06 Saturday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

കൊവിഡ്-19: സഊദിയിൽ വീണ്ടും മലയാളി മരണം, കിഴക്കൻ സഊദിയിലെ ജുബൈലിലാണ് കൊല്ലം സ്വദേശി മരണപ്പെട്ടത്

സഊദിയിൽ കൊവിഡ് ബാധയെ തുടര്‍ന്ന് മരിക്കുന്ന മലയാളികൾ 18 ആയി

     ദമാം: സഊദിയിൽ കോവിഡ് ബാധയേറ്റ് ഒരു മലയാളി കൂടി മരണപ്പെട്ടു. കൊല്ലം കിളികൊല്ലൂർ സ്വദേശി സാം ഫെർണാണ്ടസ് (55) ആണ് മരണപ്പെട്ടത്. കിഴക്കൻ സഊദിയിലെ ജുബൈലിൽ ജനറൽ ആശുപത്രിയിൽ ഏതാനും  ദിവസങ്ങളായി കൊവിഡ് വൈറസ് ബാധയേറ്റ് ചികിത്സയിൽ കഴിയുകയായിരുന്നു. രണ്ടു തവണ നടത്തിയ കൊവിഡ് പരിശോധനയിലും നെഗറ്റിവ് ആയിരുന്നു ഫലം. പിന്നീട് നടത്തിയ പരിശോധനയിലാണ് പോസിറ്റിവ് സ്ഥിരീകരിച്ചത്. പതിനാല് വർഷത്തോളമായി ഇവിടെയുള്ള സാം ഫെർണാണ്ടസ് ആർബി ഹിൽട്ടൺ കമ്പനിയിൽ ഡ്രൈവറായി ജോലി ചെയ്തു വരികയായിരുന്നു. ഭാര്യ: ജോസഫൈൻ. മക്കൾ: രേഷ്‌മ, ഡെയ്‌സി. മുവാസാത് ആശുപത്രി മോർച്ചറിയിൽ സൂക്ഷിച്ച മൃതദേഹത്തിന്റെ തുടർ നടപടികൾ കെഎംസിസി നേതാവ് ഉസ്മാൻ ഒട്ടുമ്മൽ, കമ്പനി പ്രതിനിധി ബൈജു ശങ്കരൻ എന്നിവരുടെ നേതൃത്വത്തിൽ നടന്ന് വരുന്നു. 

    വെള്ളിയാഴ്ച കോഴിക്കോട് ഫറോക്ക് മണ്ണൂര്‍ സ്വദേശി പാലക്കോട്ട് ഹൗസില്‍ അബ്ദുല്‍ അസീസ് പി.വി (52) ജുബൈലിൽ മരണപ്പെട്ടിരുന്നു. ഇദ്ദേഹത്തിന്റെ മരണവാർത്ത പുറത്ത് വന്നതിനു പിന്നാലെയാണ് സാം ഫെർണാണ്ടസിന്റെ വാർത്തയും പുറത്തു വന്നത്. തൊട്ടടുത്ത ദിവസങ്ങളിലായി ജുബൈലിൽ രണ്ടു മലയാളികൾ കൊവിഡ് ബാധിച്ചു മരിച്ചത് ഏവരിലും ഞെട്ടലുളവാക്കിയിട്ടുണ്ട്. 

ഇതുവരെ മരിച്ച മലയാളികള്‍: മദീനയില്‍ കണ്ണൂര്‍ പാനൂര്‍ സ്വദേശി ഷബ്നാസ് (29), റിയാദില്‍ മലപ്പുറം ചെമ്മാട് സ്വദേശി സ്വഫ്‌വാന്‍ (41), റിയാദില്‍ മരണപ്പെട്ട വിജയകുമാരന്‍ നായര്‍, മക്കയില്‍ മരണപ്പെട്ട മലപ്പുറം തെന്നല വെസ്റ്റ്‌ ബസാർ സ്വദേശി മുഹമ്മദ് എന്ന ഇപ്പു മുസ്ലിയാർ (57), അല്‍ ഖസീം പ്രവിശ്യയിലെ ഉനൈസയില്‍ മരണപ്പെട്ട ആലപ്പുഴ ആദിക്കാട്ടുകുളങ്ങര സ്വദേശി ഹസീബ് ഖാന്‍ (51), ജിദ്ദയില്‍ മലപ്പുറം കൊളപ്പുറം ആസാദ് നഗർ സ്വദേശി പാറേങ്ങൽ ഹസ്സൻ (56), മദീനയില്‍ മലപ്പുറം മക്കരപ്പറമ്പ സ്വദേശി പഴമള്ളൂർ കട്ടുപ്പാറയിലെ അരിക്കത്ത് ഹംസ അബുബക്കർ (59),

     മക്കയില്‍ മലപ്പുറം പാണ്ടിക്കാട് ഒറുവുമ്പുറം സ്വദേശി മുഹമ്മദ് റഫീഖ് (46), റിയാദില്‍ കൊല്ലം മൈനാഗപ്പള്ളി സ്വദേശി കടപ്പതുണ്ടില്‍ ശരീഫ് ഇബ്രാഹിം കുട്ടി (43), ദമ്മാമില്‍ മലപ്പുറം നിലമ്പൂര്‍ മരുത സ്വദേശി നെല്ലിക്കോടന്‍ സുവദേവന്‍ (52), ദമാമിൽ എറണാകുളം മുളന്തുരുത്തി സ്വദേശി ഇറക്കാമറ്റത്തില്‍ കുഞ്ഞപ്പന്‍ ബെന്നി (53), റിയാദില്‍ തൃശ്ശൂര്‍ കുന്നംകുളം കടവല്ലൂര്‍ സ്വദേശി പട്ടിയാമ്പുള്ളി ബാലന്‍ ഭാസി (60), റിയാദില്‍ കൊല്ലം ജില്ലയിലെ അഞ്ചല്‍ ഇടമുളക്കല്‍ ആതിര ഭവനില്‍ മധുസൂദനന്‍പിള്ള (61),  റിയാദില്‍ കണ്ണൂര്‍ മൊഴപ്പിലങ്ങാട് സ്വദേശി കാരിയന്‍കണ്ടി ഇസ്മായീല്‍ (54),  

      ദമാമിൽ കാസർഗോഡ് കുമ്പള സ്വദേശി മൊയ്തീന്‍ കുട്ടി അരിക്കാടി (59), റിയാദില്‍ നഴ്സായ ഓള്‍ഡ് സനയ്യ ക്ലിനിക്കില്‍ ജോലി ചെയ്യുന്ന കൊല്ലം എഴുകോണ്‍ സ്വദേശിനി ലാലി തോമസ് പണിക്കര്‍ (53), ജുബൈലിൽ കോഴിക്കോട് ഫറോക്ക് മണ്ണൂര്‍ സ്വദേശി പാലക്കോട്ട് ഹൗസില്‍ അബ്ദുല്‍ അസീസ് പി.വി (52) എന്നിവരാണ് ഇതുവരെ സഊദിയിൽ കൊവിഡ് ബാധിച്ച് മരണപ്പെട്ട മലയാളികള്‍.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.