2018 November 18 Sunday
ജീവിച്ചതല്ല ജീവിതം, നാം ഓര്‍മയില്‍ വയ്ക്കുന്നതാണ്, പറഞ്ഞു കേള്‍പ്പിക്കാന്‍ വേണ്ടി നാം ഓര്‍മ്മയില്‍ വയ്ക്കുന്നതാണു ജീവിതം

ശബരിമലയില്‍ പ്രതിഷേധം അതിരു വിടുന്നു; നിരോധനാജ്ഞ ലംഘിക്കുമെന്ന് ശ്രീധരന്‍ പിള്ള

തിരുവനന്തപുരം: ശബരിമല വിഷയത്തില്‍ ബി.ജ.പി ആര്‍.എസ്.എസ് പ്രവര്‍ത്തകരുടെ പ്രതിഷേധം അതിരു വിടുന്നു. നിലയ്ക്കലില്‍ നിരോധനാജ്ഞ ലംഘിക്കുമെന്ന ബി.ജെ.പി സംസ്ഥാന അധ്യക്ഷന്‍ പി.എസ്.ശ്രീധരന്‍പിള്ള പ്രഖ്യാപിച്ചു. പ്രഖ്യാപനത്തിന് പിന്നാലെ നിലയ്ക്കലിലേക്ക് പാര്‍ട്ടി പ്രവര്‍ത്തകര്‍ കൂട്ടത്തോടെ എത്തിത്തുടങ്ങി. നിരോധനാജ്ഞ പുറപ്പെടുവിക്കേണ്ട സാഹചര്യം നിലയ്ക്കല്‍ ഇല്ലായിരുന്നെന്നാണ് ബി.ജെ.പിയുടെ വാദം. വെള്ളിയാഴ്ച്ച വൈകുന്നേരം വരെയാണ് നിരോധനാജ്ഞ പുറപ്പെടുവിച്ചിരിക്കുന്നത്.

അതിനിടെ, റോഡില്‍ ഉപരോധിച്ച അഞ്ച് യുവമോര്‍ച്ച പ്രവര്‍ത്തകരെ പൊലിസ് അറസ്റ്റ് ചെയ്ത് നീക്കി.

ശബരിമല വിഷയത്തില്‍ രണ്ട് ദിവസമായി തുടരുന്ന അനിഷ്ടസംഭവങ്ങളില്‍ പ്രതി സംസ്ഥാനസര്‍ക്കാരും പൊലിസുമാണെന്ന് ശ്രീധരന്‍ പിള്ള ആരോപിച്ചു. കഴിഞ്ഞ ദിവസത്തെ സംഭവങ്ങളില്‍ ജുഡീഷ്യല്‍ അന്വേഷണം വേണമെന്നും അദ്ദേഹം ആവശ്യപ്പെട്ടു. മാധ്യമപ്രവര്‍ത്തകര്‍ക്കും മാധ്യമസ്ഥാപനങ്ങളുടെ വാഹനങ്ങള്‍ക്കും നേരെയുണ്ടായ ആക്രമണം അപലപനീയമാണെന്നും ശ്രീധരന്‍പിള്ള പറഞ്ഞു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.