2019 June 18 Tuesday
നമ്മളിലുള്ള നന്മയാണു നമ്മുടെ നീതിബോധം -തിരുവള്ളുവര്‍

നായകന്‍ തന്നെ നയിച്ചു; കേരളത്തിന് രഞ്ജി ട്രോഫിയില്‍ ജയം

 

കേരളത്തിന് രഞ്ജി ട്രോഫിയില്‍ അഭിമാനകരമായ ജയം. രണ്ടാം ഇന്നിംഗ്‌സില്‍ 297 റണ്‍സ് വിജയലക്ഷ്യവുമായി ഇറങ്ങിയ കേരളം അഞ്ച് വിക്കറ്റിനാണ് ഹിമാചലിനെ തോല്‍പിച്ചത്. ഇതോടെ അടുത്ത റൗണ്ടിലേക്ക് കേരളമെത്തുമോയെന്ന് കാത്തിരിക്കുകയാണ് ക്രിക്കറ്റ് ആരാധകര്‍.

നായകന്റെ പ്രകടനവുമായി മുന്നില്‍ നിന്നും നയിച്ച സച്ചിന്‍ ബേബിയും നിര്‍ഭാഗ്യം കൊണ്ട് സെഞ്ച്വറി നഷ്ടമായ വിനൂപ് ഷീലാ മനോഹരന്റേയും തകര്‍പ്പന്‍ പ്രകടനമാണ് കേരളത്തിന് അവിശ്വസനീയ വിജയമൊരുക്കിയത്. അവസരത്തിനൊത്ത് ഉയര്‍ന്ന ബാറ്റ് ചെയ്ത സഞ്ജുവിന്റെ പ്രകടനവും കേരളത്തിന് നിര്‍ണ്ണായകമായി.

സച്ചിന്‍ ബേബി 134 പന്തില്‍ എട്ട് ഫോറും ഒരു സിക്‌സും സഹിതം 92 റണ്‍സുെടുത്ത് അവസാന നിമിഷം പുറത്തായി. സഞ്ജു 55 പന്തില്‍ നാല് ഫോറും രണ്ട് സിക്‌സും സഹിതം 60 റണ്‍സുമെടുത്ത് പുറത്താകാതെ നിന്നു. ഇരുവരും അഞ്ചാം വിക്കറ്റില്‍ 88 റണ്‍സാണ് കൂട്ടിചേര്‍ത്തത്.

സച്ചിന്‍ ബേബി 135 പന്തില്‍ എട്ട് ഫോറും ഒരു സിക്‌സും സഹിതം 93 റണ്‍സും സഞ്ജു 53 പന്തില്‍ നാല് ഫോറും രണ്ട് സിക്‌സും സഹിതം 61 റണ്‍സുമെടുത്ത് പുറത്താകാതെ നിന്നു. ഇരുവരും അഞ്ചാം വിക്കറ്റില്‍ 90 റണ്‍സാണ് കൂട്ടിചേര്‍ത്തത്.

നേരത്തെ രണ്ടിന് 206 എന്ന ശക്തമായ നിലയില്‍ നിന്ന് കേരളത്തിന് രണ്ട് വിക്കറ്റ് വേഗത്തില്‍ നഷ്ടമാകുകയായിരുന്നു. വിനൂപ് ഷീലാ മനോഹരന്‍ 96 റണ്‍സെടുത്ത് പുറത്തായി. 143 പന്തില്‍ 11 ബൗണ്ടറി സഹിതമാണ് വിനൂപ് നിര്‍ണായ സംഭവന കേരളത്തിന് നല്‍കിയത്. എന്നാല്‍ സെഞ്ച്വറിയ്ക്ക് നാല് റണ്‍സ് അകലെ വിനൂപ് ഡാഗറുടെ പന്തില്‍ ബെയ്ന്‍സ് പിടിച്ച് മടങ്ങുകയായിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.