2020 August 15 Saturday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ഹാദിയ വിഷയത്തില്‍ സംസ്ഥാന സര്‍ക്കാരിന്റേത് തെറ്റായ സമീപനം: രമേശ് ചെന്നിത്തല

മലപ്പുറം: ഹാദിയ വിഷയത്തില്‍ സംസ്ഥാന സര്‍ക്കാരിന്റെ നിലപാടുകള്‍ കടുത്ത തെറ്റാണെന്നു പ്രതിപക്ഷനേതാവ് രമേശ് ചെന്നിത്തല. മലപ്പുറം പ്രസ് ക്ലബ്ബിന്റെ മീറ്റ് ദ പ്രസ്സ് പരിപാടിയില്‍ സംസാരിക്കുകയായിരുന്നു അദ്ദേഹം.

മത ന്യൂനപക്ഷങ്ങള്‍ക്കുവേണ്ടി പ്രസംഗമല്ലാതെ, ഒന്നും ചെയ്യാന്‍ സര്‍ക്കാര്‍ തയാറാകുന്നില്ല. മുസ്‌ലിം മതപണ്ഡിതന്‍മാര്‍ക്കു നേരെ നിരന്തരം കേസെടുക്കുകയാണ് സര്‍ക്കാര്‍. എന്നാല്‍ ശശികലക്കെതിരെ കേസെടുക്കാന്‍ നിര്‍ബന്ധിപ്പിക്കേണ്ടിവന്നു.

പറവൂര്‍ ലഘുലേഖ വിതരണം ചെയ്തവര്‍ക്കെതിരെ കേസെടുത്ത പൊലിസ് അവരെ മര്‍ദ്ദിച്ച ആര്‍.എസ്.എസുകാര്‍ക്കെതിരെ നടപടിയെടുത്തില്ല. ആര്‍.എസ്.എസ് നേതാവ് മോഹന്‍ഭഗവത് സര്‍ക്കാര്‍ സ്‌കൂളില്‍ ദേശീയപതാക ഉയര്‍ത്തുന്നതിനെതിരെ നിലകൊണ്ടതിനാണ് പാലക്കാട് ജില്ലാ കലക്ടറെ സ്ഥലം മാറ്റിയത്.

അതേസമയം ദേശീയ പതാക ഉയര്‍ത്തിയതിന്റെ പേരില്‍ മുസ്‌ലിം ലീഗ് നേതാവ് സി.മോയിന്‍കുട്ടിക്കെതിരെ കേസെടുത്തതും ഇതേ പൊലിസാണ്. സര്‍ക്കാറിന്റെയും പൊലിസിന്റെയും ഇരട്ടനീതിയാണ് ഇതെല്ലാമെന്നു ചെന്നിത്തല പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.