2019 July 21 Sunday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

ഡോക്ടര്‍മാര്‍ക്കെതിരേ കൈക്കൂലി ആരോപണം: കാസര്‍കോട് ജനറല്‍ ആശുപത്രിയിലെ രണ്ടു പേരോട് മാറിനില്‍ക്കാന്‍ സൂപ്രണ്ട്

കാസര്‍കോട്: കാസര്‍കോട് ജനറല്‍ ആശുപത്രിയിലെ ഡോക്ടര്‍മാര്‍ക്കെതിരേ കൈക്കൂലി ആരോപണം. ഹെര്‍ണിയക്കുള്ള ചികിത്സയ്ക്കുവേണ്ടിയെത്തിയ രോഗിയില്‍നിന്ന് മൂന്നുതവണയായി അയ്യായിരം രൂപയോളം വാങ്ങിയെന്നാണ് ആരോപണം. ജനറല്‍ ആശുപത്രിയിലെ ഡോക്ടര്‍മാരായ വെങ്കിടഗിരി, സുനില്‍ ചന്ദ്ര എന്നിവര്‍ക്കെതിരേയാണ് ആരോപണമുണ്ടായത്. ഇവരോട് താല്‍ക്കാലികമായി ജോലിയില്‍നിന്ന് മാറിനില്‍ക്കാന്‍ ആശുപത്രി സൂപ്രണ്ട് ആവശ്യപ്പെട്ടിട്ടുണ്ട്.

ഓപറേഷന്‍ നടക്കണമെങ്കില്‍ തുക ആവശ്യപ്പെട്ടുവെന്നും ഇക്കാര്യം ചൂണ്ടിക്കാട്ടി വിജിലന്‍സിനെ സമീപിച്ചുവെങ്കിലും നടപടിയുണ്ടായില്ലെന്നും രോഗിയുടെ ബന്ധുക്കള്‍ ഒരു സ്വകാര്യ ചാനലിനോട് പറഞ്ഞു.
കൈക്കൂലി വാങ്ങുന്ന ദൃശ്യവും ചാനല്‍ പുറത്തുവിട്ടു. ഡോക്ടര്‍ ആവശ്യപ്പെട്ട തുക കൈയിലുണ്ടായിരുന്നില്ലെന്നും പലരില്‍നിന്നുമായാണ് തുക സംഘടിപ്പിച്ചതെന്നും രോഗിയുടെ ബന്ധുക്കള്‍ പറഞ്ഞു. സംഭവവുമായി ബന്ധപ്പെട്ട് ആരോപണവിധേയരായ ഡോക്ടര്‍മാര്‍ക്കെതിരേ അന്വേഷണം നടത്തുമെന്നും അന്വേഷണറിപ്പോര്‍ട്ടിന്റെ അടിസ്ഥാനത്തില്‍ നടപടിയുണ്ടാകുമെന്നും ഡി.എം.ഒ ഡോ. എ.പി ദിനേഷ് കുമാര്‍ പറഞ്ഞു.
സംഭവത്തില്‍ നടപടി ആവശ്യപ്പെട്ട് ഡി.വൈ.എഫ്.ഐയുടെ നേതൃത്വത്തില്‍ ആശുപത്രിയില്‍ ഉപരോധം നടത്തി. മുസ്‌ലിം യൂത്ത് ലീഗിന്റെ നേതൃത്വത്തില്‍ ആശുപത്രിയിലേക്ക് മാര്‍ച്ചും നടത്തി.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.