2019 April 23 Tuesday
പുറമെ നിന്ന് അടിച്ചേല്‍പിക്കാവുന്ന ഒന്നല്ല ജനാധിപത്യം എന്നത്. അത് ഉള്ളില്‍ നിന്നുതന്നെ വരേണ്ടതാണ് -മഹാത്മാഗാന്ധി

ജപ്പാനില്‍ ഭൂചലനം: രണ്ടു മരണം, ഒട്ടേറെ പേര്‍ക്കു പരുക്ക്

ടോക്കിയോ: ജപ്പാന്റെ വടക്കന്‍ ദ്വീപായ ഹക്കായിഡോയില്‍ വന്‍ഭൂചലനം. റിക്റ്റര്‍ സ്‌കെയിലില്‍ 6.7 രേഖപ്പെടുത്തിയ ഭൂകമ്പത്തില്‍ രണ്ടുപേര്‍ മരിച്ചു.
പ്രാദേശികസമയം പുലര്‍ച്ച 3:08 നുണ്ടായ ഭൂചലനം ഹാെക്കായിഡൊയിലെ ആത്സുമാ നഗരത്തിനു സമീപത്തുള്ള മലനിരകളില്‍ മണ്ണിടച്ചിലിനും കെട്ടിടങ്ങള്‍ക്കു നാശനഷ്ടത്തിനും വഴിവച്ചു. മണ്ണിടിച്ചിലിനെത്തുടര്‍ന്ന് ഈ പ്രദേശത്തെ ആണവനിലയത്തിന്റെ പ്രവര്‍ത്തനം നിര്‍ത്തി വച്ചു.

40 കിലോമീറ്റര്‍ ചുറ്റളവു ദൂരം വരെ വ്യാപിച്ച ഭൂചലനത്തിന്റെ പ്രഭവസ്ഥാനം ടൊമാകൊമായ് നഗരത്തിനടുത്താണെന്നു ജപ്പാന്‍ കാലാവസ്ഥാനിരീക്ഷണ കേന്ദ്രം അറിയിച്ചു. 16ലക്ഷം ജനസംഖ്യയുള്ള ഹക്കായിഡൊയുടെ തലസ്ഥാനമായ സപ്പോറൊയിലാണ് കൂടുതല്‍ നാശനഷ്ടമുണ്ടായത്.
ജപ്പാന്റെ ദേശീയമാധ്യമമായ എന്‍.എച്.കെ പുറത്തുവിട്ട വാര്‍ത്ത പ്രകാരം 125 പേര്‍ക്ക് പരുക്കുണ്ടെന്നും നാല്‍പ്പതോളം പോരെ കണാതായിട്ടുണ്ടെന്നും പറയുന്നു. എന്നാല്‍, ഇക്കാര്യം ഔദ്യോഗികമായി സ്ഥിരീകരിച്ചിട്ടില്ല.

ഹാക്കായിഡൊയുടെ പ്രാദേശിക ദുരന്തനിവാരണ വിഭാഗം പറയുന്നതു പരിക്കുപറ്റിയവര്‍ 48 പേര്‍ മാത്രമാണന്നാണ്. ആത്സുമാ നഗരത്തിലെ മണ്ണിടിച്ചിലും ഒരുപാടുപേരെ കാണാതായിട്ടുണ്ടെന്ന് അനൗദ്യോഗിക റിപ്പോര്‍ട്ടുണ്ട്. അപകടസ്ഥലത്ത് അഞ്ചുപേര് മണ്ണിനടിയില്‍ അകപ്പെട്ടിട്ടുണ്ടെന്നും ഇവരെ രക്ഷപ്പെടുത്താനുള്ള ശ്രമത്തിലാണെന്നും ഒറ്റപ്പെട്ട് സ്ഥലങ്ങളില്‍ പെട്ടുകിടക്കുന്ന 40ഓളം പേരെ വിമാന മാര്‍ഗംരക്ഷപ്പെടുത്തിയിട്ടുണ്ടെന്നും പുനര്‍നിര്‍മ്മാണ വകുപ്പ് മന്ത്രി ജിരോ അകാമ മാധ്യമങ്ങളെ അറിയിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News