2019 September 20 Friday
ദാരിദ്ര്യത്തെക്കുറിച്ച് ലജ്ജിക്കാനില്ല. അതില്‍ ലജ്ജതോന്നുന്നതാണ് ലജ്ജാകരം.

ജമാഅത്തെ ഇസ്‌ലാമിയും പോപ്പുലര്‍ ഫ്രണ്ടും ന്യൂനപക്ഷ വര്‍ഗീയത വളര്‍ത്തുന്നു: കോടിയേരി

തിരുവനന്തപുരം: ന്യൂനപക്ഷ വര്‍ഗീയത കേരളത്തില്‍ ശക്തമാകുകയാണെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. ജമാഅത്തെ ഇസ്‌ലാമിയും പോപ്പുലര്‍ ഫ്രണ്ടുമാണ് ന്യൂനപക്ഷ വര്‍ഗീയത വളര്‍ത്തുന്നതെന്നും അദ്ദേഹം വാര്‍ത്താ സമ്മേളനത്തില്‍ ആരോപിച്ചു. സി.പി.എം സംസ്ഥാന സെക്രട്ടേറിയറ്റ് തീരുമാനങ്ങള്‍ വിശദീകരിക്കാന്‍ വിളിച്ച വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം.

എല്ലാ ആരാധനാലയങ്ങളും വര്‍ഗീയ ശക്തികള്‍ ഏറ്റെടുക്കാന്‍ ശ്രമം നടക്കുന്നുണ്ട്. പ്രാദേശിക ക്ഷേത്രങ്ങളിലെ ചടങ്ങുകളില്‍ നിന്ന് പാര്‍ട്ടി പ്രവര്‍ത്തകര്‍ വിട്ടു നില്‍ക്കരുത്. വര്‍ഗീയ ശക്തികളെ മാറ്റി നിര്‍ത്താന്‍ ക്ഷേത്രക്കമ്മിറ്റികളിലും പള്ളി മഹല്ലുകളിലും ഇനി പ്രവര്‍ത്തകര്‍ സജീവമായി ഇടപെടണമെന്നും കോടിയേരി ആവശ്യപ്പെട്ടു. നേരത്തെ ഒളിഞ്ഞായിരുന്നു പാര്‍ട്ടി പ്രവര്‍ത്തകര്‍ ആരാധാനാലയങ്ങളിലെ ഭാരവാഹികളായിരുന്നത്. എന്നാല്‍ വിശ്വാസങ്ങള്‍ കൊണ്ടു നടക്കുന്നതിന് പാര്‍ട്ടി എതിരല്ലെന്നും കോടിയേരി വ്യക്തമാക്കി. ക്ഷേത്രങ്ങളില്‍ പാര്‍ട്ടി പ്രവര്‍ത്തകരേ സജീവമാക്കി ആര്‍.എസ്.എസുകാരില്‍ നിന്ന് ക്ഷേത്ര ഭരണവും പള്ളിക്കമ്മറ്റികളില്‍ സജീവമാകുന്നതോടെ പോപ്പുലര്‍ ഫ്രണ്ട് ജമാഅത്തെ ഇസ്‌ലാമി അടക്കമുള്ളവര്‍ക്ക് തിരിച്ചടി നല്‍കുകയാണ് ലക്ഷ്യം.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News