2020 February 19 Wednesday
മധ്യേഷ്യൻ സമാധാന കരാർ ചൊവ്വാഴ്ച്ച പ്രഖ്യാപിക്കുമെന്ന് ട്രംപ്

പണി കിട്ടിയിട്ടും വിടാതെ ജേക്കബ് തോമസ്; സര്‍ക്കാരിനെതിരെ രണ്ടാം പാഠം

തിരുവനന്തപുരം: സര്‍ക്കാരിനെതിരെ ഫെയ്‌സ്ബുക്ക് പോസ്റ്റുമായി വീണ്ടും ജേക്കബ് തോമസ് ഐ.പി.എസ്. ഓഖി ചുഴലിക്കാറ്റുമായി ബന്ധപ്പെട്ട് സര്‍ക്കാര്‍ എടുക്കുന്ന നടപടികളെ വിമര്‍ശിച്ചാണ് ജേക്കബ് തോമസിന്റെ രണ്ടാമത്തെ പോസ്റ്റും വന്നിരിക്കുന്നത്.

പാഠം-2, മുന്നോട്ടുള്ള കണക്ക് എന്ന തലക്കെട്ടിലാണ് സംസ്ഥാന സര്‍ക്കാരിന്റെ ദുരിതാശ്വാസ പ്രവര്‍ത്തനത്തെ വിമര്‍ശിക്കുന്നത്.

 

ഓഖി ദുരന്തബാധിത പ്രദേശങ്ങള്‍ സന്ദര്‍ശിച്ച പ്രധാനമന്ത്രി നരേന്ദ്ര മോദി, കാണാതായവരെയെല്ലാം ക്രിസ്മസിനു മുന്‍പ് തിരിച്ചെത്തിക്കുമെന്ന് വാഗ്ദാനം നല്‍കിയിരുന്നു. ഇതും പോസ്റ്റില്‍ വിമര്‍ശിക്കുന്നുണ്ട്. ക്രിസ്മസിനു മുന്‍പ് വന്നവര്‍- ഭാഗ്യവാന്മാര്‍ എന്നാണ് ജേക്കബ് തോമസ് കുറിച്ചത്.

കാണാതായവര്‍ എത്രയാണെന്ന കണക്കില്‍ കേന്ദ്ര- സംസ്ഥാന സര്‍ക്കാരുകള്‍ തമ്മില്‍ ഭിന്നത തുടരുന്ന സാഹചര്യത്തില്‍ അതും ജേക്കബ് തോമസ് പരിഹാസത്തിന് പാത്രമാക്കുന്നുണ്ട്. കാണാതായവര്‍- കടലിനോട് ചോദിക്കണം എന്നാണ് അദ്ദേഹം കുറിച്ചത്.

നേരത്തെ, പാഠം-1 എന്ന തലക്കെട്ടില്‍ സര്‍ക്കാരിനെതിരെ ഇതേ വിഷയത്തില്‍ പോസ്റ്റിട്ടിരുന്നു. ഇതിന് മറുപടിയുമായി ധനമന്ത്രി തോമസ് ഐസക് രംഗത്തെത്തിയിരുന്നു.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.