2018 August 18 Saturday
സ്വാതന്ത്ര്യം തന്നെയമൃതം, സ്വാതന്ത്ര്യം തന്നെ ജീവിതം പാരതന്ത്ര്യം മാനികള്‍ക്ക് മൃതിയേക്കാള്‍ ഭയാനകം
 കുമാരനാശാന്‍

ഗസ്സയില്‍ ഇസ്‌റാഈല്‍ വെടിവയ്പ്പ്: നാലു പേര്‍ കൊല്ലപ്പെട്ടു, 955 പേര്‍ക്ക് പരുക്ക്

ഗസ്സ: അമിത സൈനിക ശക്തി ഉപയോഗിക്കരുതെന്ന യു.എന്‍ മുന്നറിയിപ്പ് അവഗണിച്ച് ഫലസ്തീനികള്‍ക്കു നേരെ ഇസ്‌റാഈലിന്റെ രൂക്ഷമായ വെടിവയ്പ്പ്. ഗസ്സ അതിര്‍ത്തിയില്‍ പ്രതിഷേധക്കാര്‍ക്കു നേരെയുണ്ടായ വെടിവയ്പ്പില്‍ നാലു പേര്‍ കൊല്ലപ്പെടുകയും 955 പേര്‍ക്ക് പരുക്കേല്‍ക്കുകയും ചെയ്തു.

വെള്ളിയാഴ്ച നടന്ന പ്രതിഷേധത്തിനു നേരെയാണ് ഇസ്‌റാഈലിന്റെ ഭാഗത്തുനിന്ന് വെടിവയ്പ്പുണ്ടായത്. മരിച്ചവരില്‍ 15 കാരന്‍ അസാം ഹിലാലുമുണ്ട്. വെള്ളിയാഴ്ചയിലെ പ്രതിഷേധത്തിനിടെയാണ് ഇവനും വെടിയേറ്റത്.

ഗ്രേറ്റ് മാര്‍ച്ച് ഓഫ് റിട്ടേണ്‍ പ്രക്ഷോഭത്തിന്റെ ഭാഗമായി അഞ്ചാമത്തെ വെള്ളിയാഴ്ചയാണ് ഫലസ്തീനികള്‍ അതിര്‍ത്തിയിലേക്ക് മാര്‍ച്ച് ചെയ്തത്.

പ്രതിഷേധങ്ങളുടെ തുടക്കം

മാര്‍ച്ച് 30ന് ഭൂമി ദിനത്തോടനുബന്ധിച്ചാണ് ഗ്രേറ്റ് മാര്‍ച്ച് ഓഫ് റിട്ടേണ്‍ പ്രതിഷേധ പരിപാടിക്ക് തുടക്കമിട്ടത്. ഇത് മെയ് 15 നക്ബ ദിനം വരെ തുടരും. 1948 ല്‍ സയണിസ്റ്റ് ഭീകരരുടെ ആക്രമണത്തില്‍ 7.5 ലക്ഷം ഫലസ്തീനികള്‍ക്ക് സ്വന്തം വീടും നാടും വിട്ട് ഓടേണ്ടി വന്നതിന്റെ 70ാം വാര്‍ഷികമാണ് ഈ വരുന്ന നക്ബ ദിനം.

മാര്‍ച്ച് 30ന് തുടങ്ങിയ പ്രതിഷേധ പരിപാടിയില്‍ ഇതുവരെ 42 ഫലസ്തീനികള്‍ കൊല്ലപ്പെടുകയും 5,500 പേര്‍ക്ക് പരുക്കേല്‍ക്കുകയും ചെയ്തു.


 

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.