2019 February 16 Saturday
യഥാര്‍ഥ മഹാന്‍ ഒരിക്കലും തന്നെക്കുറിച്ച് അങ്ങനെ കരുതിയിട്ടേയുണ്ടാകില്ല!

ഇന്ദു മല്‍ഹോത്ര അവധി നീട്ടി; ശബരിമല കേസ് പരിഗണിക്കാന്‍ വൈകും

 

ന്യൂഡല്‍ഹി: ജസ്റ്റിസ് ഇന്ദു മല്‍ഹോത്ര അവധി ഈ മാസം 27 വരെ നീട്ടിയതായി സൂചന. ഇതോടെ ശബരിമല കേസില്‍ പുന:പരിശോധനാ ഹരജികള്‍ പരിഗണിക്കുന്നത് ഇനിയും നീളും. നേരത്തെ, ജനുവരി 22ന് പരിഗണിക്കാനായിരുന്നു കോടതി തീരുമാനിച്ചിരുന്നത്.

കണങ്കൈയിലെ ശസ്ത്രക്രിയയെ തുടര്‍ന്ന് വിശ്രമിക്കുകയാണ് ജസ്റ്റിസ് ഇന്ദു മല്‍ഹോത്ര. ശബരിമല പുന:പരിശോധനാ ഹരജി പരിഗണിക്കുന്ന സുപ്രിം കോടതി ഭരണഘടനാ ബെഞ്ചില്‍ ഇന്ദു മല്‍ഹോത്രയുണ്ട്. ജനുവരി 18 വരെ ആയിരുന്നു നേരത്തെ ഇവര്‍ അവധി എടുത്തിരുന്നത്.

തിങ്കള്‍, ചൊവ്വ, ബുധന്‍ ദിവസങ്ങളില്‍ സുപ്രിം കോടതി പരിഗണിക്കുന്ന കേസുകളുടെ പട്ടികയിലും ജസ്റ്റിസ് ഇന്ദു മല്‍ഹോത്രയുടെ പേര് ഉള്‍പ്പെടുത്തിയിട്ടില്ല. അടുത്ത ആഴ്ച ആദ്യ മൂന്ന് ദിവസങ്ങളില്‍ പരിഗണിക്കുന്ന കേസുകളുടെ പട്ടിക സുപ്രിം കോടതി ഇന്നാണ് പുറത്ത് ഇറക്കിയത്.

ശബരിമലയില്‍ യുവതികള്‍ക്ക് പ്രവേശിക്കാമെന്ന് വിധി പറഞ്ഞ അഞ്ചംഗ ബെഞ്ചില്‍ ഏക ഭിന്നാഭിപ്രായം ഇന്ദു മല്‍ഹോത്രയുടേതായിരുന്നു. ശബരിമലയിലെ ആചാരം ലംഘിക്കേണ്ടെന്നായിരുന്നു ഇന്ദു മല്‍ഹോത്രയുടെ അഭിപ്രായം.


 

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.