2018 October 20 Saturday
ഒരു നേതാവ് നല്ല വീക്ഷണമുള്ളവനും അത്യുത്സാഹിയും പ്രശ്‌നങ്ങളെ ഭയക്കാത്തവനുമാകണം

നോട്ട് നിരോധനം, ജി.എസ്.ടി: ഇന്ത്യന്‍ ജി.ഡി.പി 7 ശതമാനത്തിലും താഴെ പോകുമെന്ന് വിദഗ്ധര്‍

ന്യൂഡല്‍ഹി: ജി.എസ്.ടിയിലെ അപാകതകളും നോട്ട് നിരോധനവും കാരണമായി ഈ സാമ്പത്തിക വര്‍ഷത്തിലെ രാജ്യത്തെ ജി.ഡി.പി വളര്‍ച്ചാ നിരക്ക് ഏഴു ശതമാനത്തിലും താഴെ പോകുമെന്ന് വിദഗ്ധര്‍.

2015-16 വര്‍ഷത്തെ വളര്‍ച്ചാ നിരക്കായ 8 ശതമാനത്തെ അപേക്ഷിച്ച് 2016-17 വര്‍ഷത്തില്‍ 7.1 ശതമാനം മാത്രമാണ് വളര്‍ച്ചയുണ്ടായിരുന്നത്.

”ഈ സാമ്പത്തിക വര്‍ഷത്തില്‍ ജി.ഡി.പി 7 ശതമാനം കടക്കുക പ്രയാസമായിരിക്കും. മൂന്നും നാലും പാദത്തില്‍ സാമ്പത്തിക നില മെച്ചപ്പെടുമെന്നാണ് പ്രതീക്ഷിക്കുന്നത്”- എസ്.ബി.ഐ ഗവേഷണ മേധാവി സൗമ്യ കാന്തി ഘോഷ് പറഞ്ഞു.

ഇതേ നിലയാണ് തുടരുന്നതെങ്കില്‍ 2017-18 വര്‍ഷത്തെ ജി.ഡി.പി വളര്‍ച്ചാ നിരക്ക് 6.5 ശതമാനം മാത്രമായിരിക്കുമെന്നും അവര്‍ പറഞ്ഞു.

ജി.ഡി.പി നിരക്ക് ഇടിയുമെന്ന വാദം തന്നെയാണ് ആസൂത്രണ കമ്മിഷന്‍ മുന്‍ ഡെപ്യൂട്ടി ചെയര്‍മാര്‍ മോണ്‍ടെക് സിങ് അലുവാലിയയും ഉന്നയിക്കുന്നത്. ഈ സാമ്പത്തിക വര്‍ഷത്തില്‍ ജി.ഡി.പി വളര്‍ച്ചാ നിരക്ക് 6.2 ശതമാനത്തിനും 6.3 ശതമാനത്തിനും ഇടയ്ക്കായിരിക്കുമെന്ന് അദ്ദേഹം പറഞ്ഞു.

ഈ സാമ്പത്തിക വര്‍ഷത്തെ ഗ്രോസ് വാല്യൂ ആഡഡ് (ജി.വി.എ) 6.6- 6.8 വരെയാരിക്കുമെന്ന് ആക്‌സിസ് ബാങ്ക് ചീഫ് ഇക്കണോമിസ്റ്റ് സുഗത ഭട്ടാചാര്യ പറഞ്ഞു.

സാമ്പത്തിക അവസ്ഥയെ നിര്‍ണയിക്കുന്നതിനായി സെന്‍ട്രല്‍ സ്റ്റാറ്റിസ്റ്റിക്‌സ് ഓഫിസ് (സി.എസ്.ഒ) പുതുതായി തുടങ്ങിയ സംവിധാനമാണ് ജി.വി.എ.

ജി.വി.എയില്‍ നിന്ന് സബ്‌സിഡി കുറച്ചു ശേഷം നികുതി കൂട്ടിയാണ് ജി.ഡി.പി കണക്കാക്കുന്നത്.


 

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.