2019 August 26 Monday
ഹൃദയത്തില്‍ സത്യമുള്ളവന്‍ തന്റെ നാവിനെ പറ്റി ഭയപ്പെടേണ്ടതില്ല

മോദി ഭരണം രാജ്യത്തെ കടത്തില്‍ മുക്കി; ബാധ്യതയില്‍ 50 ശതമാനം വര്‍ധനവ്

ന്യൂഡല്‍ഹി: മോദി സര്‍ക്കാറിന്റെ നാലരവര്‍ഷത്തില്‍ ഇന്ത്യയുടെ കടബാധ്യതയില്‍ ചരിത്രത്തിലെ ഏറ്റവും വലിയ കുതിച്ചുകയറ്റം. 50 ശതമാനമാണ് കടബാധ്യത വര്‍ദ്ധിച്ചിരിക്കുന്നത്. ഇതോടെ സര്‍ക്കാരിന്റെ കടബാധ്യത 82 ലക്ഷം കോടി രൂപയായി.

സര്‍ക്കാരിന്റെ തല്‍സ്ഥിതി വ്യക്തമാക്കുന്ന റിപ്പോര്‍ട്ടിന്റെ എട്ടാമത്തെ എഡിഷനിലാണ് ഇക്കാര്യം വെളിപ്പെടുത്തിയിട്ടുള്ളത്.

2018 സെപ്റ്റംബര്‍ വരെ കേന്ദ്ര സര്‍ക്കാരിന് 82,03,253 കോടി രൂപയാണ് ബാധ്യതയുള്ളത്. 2014 ജൂണിലെ കണക്കുപ്രകാരം 54,90,763 കോടി രൂപയായിരുന്നു ബാധ്യത.

വിപണിയില്‍ നിന്ന് മോദി സര്‍ക്കാര്‍ കടമെടുത്തത്. ഗോള്‍ഡ് ബോണ്ടുകളിലൂടെ 9,089 കോടിയും ഇക്കാലയളവില്‍ സര്‍ക്കാര്‍ സ്വരൂപിച്ചിട്ടുണ്ട്.

2010-2011 സാമ്പത്തിക വര്‍ഷം മുതലാണ് സര്‍ക്കാരിന്റെ സാമ്പത്തിക സ്ഥിതി വ്യക്തമാക്കുന്ന റിപ്പോര്‍ട്ട് ധനമന്ത്രാലയം പുറത്തിറക്കാന്‍ തുടങ്ങിയത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.