2018 September 23 Sunday
ഒരാളുടെ മഹത്വം അളക്കുന്നത് അയാള്‍ തനിക്ക് താഴ്ന്നവരോട് എങ്ങനെ ഇടപെടുന്നു എന്നു നോക്കിയാണ്
ജെ.കെ റൗളിങ്

ഇന്ത്യന്‍ പാസ്‌പോര്‍ട്ടിന് അടുത്ത മാസം മുതല്‍ പുതിയ അപേക്ഷ ഫോം; വിവിധ ആവശ്യങ്ങള്‍ക്ക് ഒറ്റഫോം

അബ്ദുസ്സലാം കൂടരഞ്ഞി

റിയാദ്: പാസ്‌പോര്‍ട്ട് സംബന്ധമായ സേവനങ്ങള്‍ക്ക് ഏപ്രില്‍ ഒന്നുമുതല്‍ പുതിയ ഫോമില്‍ അപേക്ഷിക്കണമെന്ന് ഇന്ത്യന്‍ എംബസി അധികൃതര്‍ അറിയിച്ചു.

നിലവില്‍ പഴയ അപേക്ഷാ ഫോമിലും  പുതിയ അപേക്ഷ ഫോറത്തിലും അപേക്ഷകള്‍ സീകരിക്കുമെങ്കിലും അടുത്ത മാസം മുതല്‍ പൂര്‍ണമായും പുതിയ ഫോമില്‍ മാത്രമായിരിക്കും സേവനം ലഭ്യമാകുക .


പുതിയ അപേക്ഷാ ഫോമിന് ഇവിടെ ക്ലിക്ക് ചെയ്യുക


മുന്‍കാലങ്ങളില്‍ പാസ്‌പോര്‍ട്ട് സംബന്ധമായ വ്യത്യസ്ത സേവനങ്ങള്‍ക്ക് പ്രത്യേകം പ്രത്യേകം ഫോമുകള്‍ പൂരിപ്പിച്ച് നല്‍കേണ്ടിയിരുന്നു. എന്നാല്‍, പുതിയ സംവിധാനനത്തില്‍ എല്ലാ സേവനങ്ങളും ഒറ്റ ഫോമിലാണ് നല്‍കുക.

തങ്ങള്‍ക്ക് ആവശ്യമുള്ള ഭാഗങ്ങള്‍ ഫോമില്‍ സെലക്ട് ചെയ്താല്‍ മതിയാകും. ഇതോടെ, വ്യത്യസ്ത അപേക്ഷ ഫോമുകള്‍ അപ്രത്യക്ഷമാകും.

നിലവില്‍ ഒരാളുടെ പാസ്‌പോര്‍ട്ട് നഷ്ട്ടപെടുക , അഡ്രസ് മാറ്റാന്‍, ഭാര്യ/ ഭര്‍തൃ പേരുകള്‍ മാറ്റല്‍, ഭേദഗതി വരുത്തല്‍, പാസ്‌പോര്‍ട്ടു കേടു വരിക, ഫോട്ടോ മാറ്റല്‍, ഒപ്പ് മാറ്റല്‍, ഇ സി ആര്‍ ഉള്ളത് ഇ സി എന്‍ ആര്‍ ആക്കല്‍, പാസ്‌പോര്‍ട്ട് പേജ് തീര്‍ന്നാല്‍ കൂടുതല്‍ പേജുള്ള പാസ്‌പോര്‍ട്ട് ലഭിക്കാന്‍ തുടങ്ങി വിവിധ സേവനങ്ങള്‍ക്ക് വ്യത്യസ്തങ്ങളായ ഫോമുകള്‍ പൂരിപ്പിച്ചു നല്‍കണമായിരുന്നു.

പുതിയ അപേക്ഷയില്‍ ആവശ്യമുള്ള സേവനങ്ങള്‍ക്ക് അപേക്ഷയില്‍ മാര്‍ക്ക് ചെയ്ത് നല്‍ക്കാന്‍ കഴിയുന്ന ഏകജാലക സംവിധാനമാണ് ഏപ്രില്‍ ഒന്നിന് നിലവില്‍ വരുന്നത്.

പാസ്‌പോര്‍ട്ട് സേവനങ്ങള്‍ കൂടാതെ മറ്റു സേവനങ്ങള്‍ക്കുള്ള അപേക്ഷ ഫോമും മാറ്റിയിട്ടുണ്ട്. ബര്‍ത്ത് സര്‍ട്ടിഫിക്കറ്റ് , എന്‍ ആര്‍ ഇ സര്‍ട്ടിഫിക്കറ്റ്, പൊലിസ് ക്ലിയറെന്‍സ് സര്‍ട്ടിഫിക്കറ്റ്, സഊദി പി സി സി , ബര്‍ത്ത് സര്‍ട്ടിഫിക്കറ്റ് നഷ്ട്ടപെട്ടാല്‍ തുടങ്ങിയ സേവനങ്ങള്‍ക്കുള്ള അപേക്ഷഫോമിലും മാറ്റങ്ങള്‍ വന്നിട്ടുണ്ട്.

പുതിയ മാറ്റത്തിലൂടെ കൂടുതല്‍ സുതാര്യമായ സേവനങ്ങള്‍ ലഭ്യമാക്കുകയാണ് ചെയ്യുന്നതെന്ന് എംബസി അധികൃതര്‍ പറഞ്ഞു.


 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.