2019 September 23 Monday
സത്യാന്വേഷിയുടെ ആത്മീയ അന്വേഷണത്തിന്റെ ഭാഗമാണ് നിശബ്ദത

എട്ട് യു.എസ് നിര്‍മിത അപ്പാച്ചെ ഹെലികോപ്റ്ററുകള്‍ ഇന്ത്യന്‍ സൈന്യത്തിന്റെ ഭാഗമായി

ന്യൂഡല്‍ഹി: എട്ട് യു.എസ് നിര്‍മിത അപ്പാച്ചെ ഗാര്‍ഡിയന്‍ അറ്റാക് ഹെലികോപ്റ്ററുകള്‍ (എ.എച്ച് 64 ഇ) ഇന്ത്യന്‍ സൈന്യത്തിന്റെ ഭാഗമായി. ഇന്നു രാവിലെ പഞ്ചാബിലെ പത്താന്‍കോട്ട് വ്യോമതാവളത്തിലേക്കാണ് ബോയിങ് നിര്‍മിച്ച എട്ട് ഹെലികോപ്റ്ററുകള്‍ എത്തിയത്. ഹെലികോപ്റ്ററുകള്‍ വ്യോമസേനാ മേധാവി എയര്‍ ചീഫ് മാര്‍ഷല്‍ ബി.എസ് ധനോവയുടെ നേതൃത്വത്തിലുള്ള സംഘം ഏറ്റുവാങ്ങി. സേന സ്വന്തമാക്കുന്ന ഏറ്റവും കരുത്തുറ്റ കോപ്റ്ററാണിത്. അപ്പാപ്പി ആക്രമണ ഹെലികോപ്റ്ററുകള്‍ സ്വന്തമാക്കുന്ന പതിനാലാമത്തെ രാജ്യമാണ് ഇന്ത്യ.
ഇറാഖ്, അഫ്ഗാന്‍ അധിനിവേശ കാലത്ത് അമേരിക്കന്‍ സൈന്യം വ്യാപകമായി ഉപയോഗിച്ച ഒന്നാണ് അപ്പാച്ചി ഗാര്‍ഡിയന്‍ അറ്റാക് ഹെലികോപ്റ്ററുകള്‍.

വ്യോമസേനയ്ക്കായി ആകെ 22 അപ്പാച്ചി ഹെലികോപ്റ്ററുകള്‍ വാങ്ങുന്നതിനായി 13,952 കോടി രൂപയുടെ കരാര്‍ 2015 സെപ്റ്റംബറിലാണ് ഇന്ത്യയും യു.എസും ഒപ്പിട്ടത്. 2022ന് അകം 22 എണ്ണവും ലഭിക്കുന്ന വിധത്തിലായിരുന്നു കരാര്‍. ഇതിനു പുറമേ, കരസേനയ്ക്കായി 4168 കോടി രൂപ ചെലവില്‍ 6 അപ്പാച്ചി ഹെലികോപ്റ്ററുകളും വാങ്ങും. ഇതിനുള്ള കരാര്‍ 2017ലും ഒപ്പിട്ടിരുന്നു.

IAF gets its first batch of 8 US-made Apache attack helicopters


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News