2020 August 09 Sunday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ഒടുവില്‍ കേന്ദ്ര സര്‍ക്കാര്‍ വ്യക്തമാക്കി; കൊവിഡ് വാക്‌സിന്‍ എപ്പോള്‍ വരുമെന്ന് പ്രവചിക്കാനാവില്ല

 

ന്യൂഡല്‍ഹി: കൊവിഡ്-19 നെതിരായ വാക്‌സിന്‍ പുറത്തിറങ്ങുന്ന സമയത്തെ ചൊല്ലിയുണ്ടായ വിവാദങ്ങള്‍ക്ക് വിരാമമിട്ട് കേന്ദ്ര സര്‍ക്കാര്‍. കൊവിഡ് വാക്‌സിന്‍ എപ്പോള്‍ വരുമെന്ന് പ്രവചിക്കാനാവില്ലെന്ന് കേന്ദ്ര ആരോഗ്യ മന്ത്രി ഡോ. ഹര്‍ഷ വര്‍ധന്‍ പറഞ്ഞു.

ഓഗസ്റ്റ് 15ന് മുന്‍പായി കൊവിഡ് വാക്‌സിന്‍ ഇന്ത്യയില്‍ പുറത്തിറക്കുമെന്നായിരുന്നു നേരത്തെ ഐ.സി.എം.ആറിലെ തന്നെ ഒരു വിഭാഗം പറഞ്ഞത്. ഇതിനു പിന്നാലെ ഒരു കൂട്ടം ആരോഗ്യവിദഗ്ധര്‍ രംഗത്തെത്തി. വാക്‌സിന്‍ പരീക്ഷണം മനുഷ്യനില്‍ പോലും നടത്തിയിട്ടില്ലെന്നിരിക്കെ എങ്ങനെയാണ് തിയ്യതി പറയാനാവുകയെന്നായിരുന്നു ചോദ്യം.

വാക്‌സിന്‍ നേരത്തെ ലഭ്യമാക്കാനാണ് ശ്രമം. എന്നാല്‍ പരീക്ഷണത്തിന്റെ നടപടിക്രമങ്ങളില്‍ യാതൊരു വിട്ടുവീഴ്ചയും ഉണ്ടാകില്ല. ലോകാരോഗ്യ സംഘടനയുമായി പരീക്ഷണം വേഗത്തിലാക്കുന്ന കാര്യം സംസാരിച്ചിരുന്നു. വാക്‌സിന് പ്രതീക്ഷ നല്‍ക്കുന്ന കമ്പനികളെ കഴിയുന്നത്ര സഹായിക്കാന്‍ സംഘടന ആവശ്യപ്പെട്ടതായി കേന്ദ്ര ആരോഗ്യമന്ത്രി പറഞ്ഞു.

എന്നാല്‍, വാക്‌സിന്‍ 2021ന്റെ തുടക്കത്തില്‍ മാത്രമേ ലഭ്യമാവുകയുള്ളു എന്ന് വിദഗ്ധ സംഘം പാര്‍ലമെന്ററി സമിതിയെ അറിയിച്ചു. 200 ഓളം വാക്‌സില്‍ ഗവേഷണങ്ങളാണ് ലോകത്താകെ നടക്കുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.