2019 November 20 Wednesday
ഏറ്റവും വലിയ പാപം ഞാന്‍ കഴിവുകെട്ടവനാണ് എന്ന വിചാരമാണ്.

ഹരിയാന, മഹാരാഷ്ട്രയിലും ബി.ജെ.പിയെന്ന് എക്‌സിറ്റ് പോള്‍

ന്യൂഡല്‍ഹി: ഹരിയാന, മഹാരാഷ്ട്ര അസംബ്ലി തെരഞ്ഞെടുപ്പുകളില്‍ കുറഞ്ഞ പോളിങ്. വൈകിട്ട് ആറുവരെ മഹാരാഷ്ട്രയില്‍ 60.05 ശതമാനവും ഹരിയാനയില്‍ 65 ശതാമാവുമാണ് പോളിങ് രേഖപ്പെടുത്തിയത്. ഇത് 2014ലെക്കാള്‍ കുറവാണ്. 2014ല്‍ ഇത് മഹാരാഷ്ട്രയില്‍ 63.08 ശതമാനവും ഹരിയാനയില്‍ 76.54 ശതമാനവുമായിരുന്നു. ഹരിയാനയിലെ ഡല്‍ഹിയോട് ചേര്‍ന്ന് കിടക്കുന്ന ഗുഡ്ഗാവില്‍ 51.20 പോളിങ് മാത്രമാണ് രേഖപ്പെടുത്തിയത്. മഹാരാഷ്ട്ര തലസ്ഥാനമായ മുംബൈയില്‍ 44.78 ശതമാനം മാത്രമായിരുന്നു പോളിങ്.
വോട്ടെടുപ്പിന് പിന്നാലെ ഹരിയാനയിലും മഹാരാഷ്ട്രയിലും ബി.ജെ.പി നേതൃത്വത്തിലുള്ള സര്‍ക്കാര്‍ വീണ്ടും അധികാരത്തിലെത്തുമെന്ന് എക്‌സിറ്റ് പോള്‍ സര്‍വ്വേ ഫലങ്ങള്‍ പ്രവചിച്ചു. 288 അംഗങ്ങളുള്ള മഹാരാഷ്ട്രയില്‍ 166 മുതല്‍ 194 വരെ സീറ്റുകള്‍ നേടി ബി.ജെ.പി ശിവസേനാ സഖ്യം അധികാരത്തിലെത്തുമെന്നാണ് ഇന്ത്യാടുഡെ-ആക്‌സിസ് പ്രവചനം. കോണ്‍ഗ്രസ്-എന്‍.സി.പി സഖ്യം 72 മുതല്‍ 90 വരെ സീറ്റുകള്‍ മാത്രമാണ് നേടുകയെന്നും സര്‍വ്വേ പ്രവചിച്ചു. ന്യൂസ് 18- ഐ.പി.എസ്.ഒ.എസ് സര്‍വ്വേ ബി.ജെ.പി 142 സീറ്റും ശിവസേന 102 സീറ്റും നേടുമെന്നാണ് പ്രവചിക്കുന്നത്. കോണ്‍ഗ്രസ്- എന്‍.സി.പി സഖ്യം പരമാവധി 22 സീറ്റുകള്‍ മാത്രമാണ് നേടുകയെന്നും സര്‍വ്വേ പ്രവചിക്കുന്നു.
90 സീറ്റുകളുള്ള ഹരിയാനയില്‍ 72 സീറ്റുകള്‍ ബി.ജെ.പിയും എട്ടു സീറ്റുകള്‍ കോണ്‍ഗ്രസും നേടുമെന്നാണ് എ.ബി.പി- സിവോട്ടര്‍ പ്രവചനം. 75 സീറ്റുകള്‍ ബി.ജെ.പിയും 10 സീറ്റുകള്‍ കോണ്‍ഗ്രസിനുമാണ് സി.എന്‍.എന്‍- ഐ.പി.എസ്.ഒ.എസ് പ്രവചനം. മഹാരാഷ്ട്രയില്‍ വോട്ടെടുപ്പിനിടെ നിരവധി അക്രമ സംഭവങ്ങളും റിപ്പോര്‍ട്ട് ചെയ്യപ്പെട്ടു. അമരാവതി ജില്ലയിലെ മോര്‍ഷിയില്‍ രാജുഷെട്ടിയുടെ സ്വാഭിമാന പക്ഷ സ്ഥാനാര്‍ഥി ദേവേന്ദ്ര ബുയാറിനെതിരെ മോട്ടോര്‍ സൈക്കിളിലെത്തിയ സംഘം നിറയൊഴിക്കുകയും അദ്ദേഹത്തെ വാഹനത്തില്‍ നിന്ന് വലിച്ചിറക്കി കാര്‍ കത്തിക്കുകയും ചെയ്തു. ബീഡില്‍ ശിവസേന- എന്‍.സി.പി പ്രവര്‍ത്തര്‍ തമ്മില്‍ ഏറ്റുമുട്ടി. മറ്റു പലയിടത്തും സംഘര്‍ഷം റിപ്പോര്‍ട്ട് ചെയ്യപ്പെട്ടു. വോട്ടിങ് മെഷീന്റെ പേരിലും തര്‍ക്കമുണ്ടായി.
ഹരിയാനയിലെ നൂഹിലും കയ്താലിലും കല്ലേറുണ്ടായി. നൂഹില്‍ ബി.ജെ.പി-കോണ്‍ഗ്രസ് പ്രവര്‍ത്തകര്‍ നടത്തിയ കല്ലേറില്‍ ഒരു സ്ത്രീക്ക് പരുക്കേറ്റു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News