2020 April 05 Sunday
മധ്യേഷ്യൻ സമാധാന കരാർ ചൊവ്വാഴ്ച്ച പ്രഖ്യാപിക്കുമെന്ന് ട്രംപ്

തിരുപ്പതി ബസ് ടിക്കറ്റിന് പുറത്ത് ഹജ്ജ്, ജറുസലേം തീര്‍ത്ഥാടനത്തിന്റെ പരസ്യം; ജഗന്‍മോഹന്‍ റെഡ്ഡിക്കെതിരേ വാളെടുക്കാനൊരുങ്ങി ബി.ജെ.പി

ഹൈദ്രാബാദ്: ആന്ധ്രപ്രദേശ്‌ റോഡ് ട്രാന്‍സ്‌പോര്‍ട്ട് കോര്‍പറേഷന്റെ തിരുപ്പതിയിലേക്കുള്ള ബസ് ടിക്കറ്റിന് പുറത്ത് ഹജ്ജ്, ജറുസലേം തീര്‍ത്ഥാടനത്തിന്റെ പരസ്യം നല്‍കിയ സംഭവത്തില്‍ മുതലെടുപ്പുമായി ബി.ജെ.പി. കഴിഞ്ഞ ദിവസം ക്ഷേത്രനഗരമായ തിരുപ്പതിയില്‍ നിന്നും തിരുമലയിലേക്ക് എ.പി.ആര്‍.ടി.സി ബസില്‍ യാത്ര ചെയ്തവര്‍ക്കാണ് ഈ ടിക്കറ്റ് ലഭിച്ചത്.

ടിക്കറ്റിന്റെ ഒരുവശത്ത് ഹജ്ജ്, ജറുസലേം തീര്‍ത്ഥയാത്രയുടെ സര്‍ക്കാര്‍ പരസ്യമാണുണ്ടായിരുന്നത്. ഇത് ശ്രദ്ധയില്‍പ്പെട്ട ഒരാള്‍ ട്രാന്‍സ്‌പോര്‍ട്ട് കോര്‍പറേഷന്റെ ശ്രദ്ധയില്‍പ്പെടുത്തുകയായിരുന്നു. പ്രിന്റ് ചെയ്ത ടിക്കറ്റിന്റെ കെട്ട് മാറിപ്പോയതാണെന്ന് അദ്ദേഹം മറുപടി നല്‍കുകയും ചെയ്തു. ഗതാഗതവകുപ്പ് എക്‌സിക്യൂട്ടീവ് ഡയരക്ടര്‍ സമഗ്രമായ അന്വേഷണത്തിന് ഉത്തരവിടുകയും ചെയ്തിട്ടുണ്ട്.

അതേസമയം വിഷയം മുഖ്യമന്ത്രിക്കെതിരാക്കി തീര്‍ക്കാനാണ് സംസ്ഥാനത്തെ ബി.ജെ.പി ഘടകത്തിന്റെ നീക്കം. ഹിന്ദുമതവിശ്വാസിയല്ലാത്ത മതവിശ്വാസമില്ലാത്ത ജഗമോഹന്‍ റെഡ്ഡി ബോധപൂര്‍വം തന്റെ അജണ്ടകള്‍ ജനങ്ങള്‍ക്ക് മേല്‍ അടിച്ചേല്‍പ്പിക്കുകയാണ്.

യു.എസില്‍ സംഘടിപ്പിച്ച ഒരു ചടങ്ങില്‍ അദ്ദേഹം വിളക്ക് തെളിയിക്കാന്‍ പോലും തയാറാകാതിരുന്നത് അദ്ദേഹത്തിന്റെ മതവിരുദ്ധതയാണ് വ്യക്തമാക്കുന്നതെന്നും ബി.ജെ.പി എം.എല്‍.എ രാജ സിംഗ് പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.