2019 August 20 Tuesday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

ഗള്‍ഫ് രാഷ്ട്രങ്ങള്‍ പൊടിയില്‍ മുങ്ങി; വെള്ളിയാഴ്ചയും സ്ഥിതി തുടര്‍ന്നേക്കും

വാഹന യാത്രക്കാര്‍ക്ക് ജാഗ്രതാ നിര്‍ദേശം

മനാമ: ഗള്‍ഫ് രാഷ്ട്രങ്ങള്‍ വ്യഴാഴ്ച പൊടിയില്‍ മുങ്ങി. മിക്ക ഗള്‍ഫ് രാഷ്ട്രങ്ങളിലും കാലത്തു മുതല്‍ ശക്തമായ പൊടിക്കാറ്റാണ് അനുഭവപ്പെട്ടത്.
സൗദി അറേബ്യ, ബഹ്‌റൈന്‍, കുവൈത്ത്, ഒമാന്‍, യു.എ.ഇയുടെ വിവിധ എമിറേറ്റുകള്‍ എന്നിവിടങ്ങളിലെല്ലാം അന്തരീക്ഷം പൊടി പടലത്തില്‍ മുങ്ങിയിരുന്നു. ഇത് വിവിധയിടങ്ങളില്‍ വാഹന ഗതാഗതത്തെയും ബാധിച്ചു.
പൊടിക്കാറ്റിന്റെ പശ്ചാതലത്തില്‍ ബഹ്‌റൈന്‍ ട്രാഫിക് വിഭാഗം വാഹനയാത്രക്കാര്‍ക്ക് പ്രത്യേക ജാഗ്രതാ നിര്‍ദേശം നല്‍കിയിട്ടുണ്ട്.
അപകട സാധ്യത കൂടുതലയാതിനാല്‍ വാഹനങ്ങള്‍ കൃത്യമായ അകലം പാലിക്കണമെന്നും വേഗം കുറക്കണമെന്നും കര്‍ശന നിര്‍ദ്ദേശമുണ്ട്.
തുര്‍ക്കിക്ക് സമീപം കടലിനു മുകളിലായി രൂപപ്പെടുന്ന ന്യൂനമര്‍ദമാണ് (upper air Cyclonic circulation) ശക്തമായ പൊടിക്കാറ്റിനു കാരണമായി ചൂണ്ടി ക്കാണിക്കപ്പെടുന്നത്. ഇത് മിഡിലീസ്റ്റ് മേഖലയില്‍ ശക്തമായ മഴക്ക് കാരണമാകുമെന്നും റിപ്പോര്‍ട്ടുകളുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.