2020 July 12 Sunday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

കൊവിഡ് ; ഇന്ത്യയിൽ കുടുങ്ങിയ ആരോഗ്യ പ്രവർത്തകരുടെ റീ എൻട്രി വ്യാഴാഴ്ച മുതൽ പുതുക്കും

  • സഊദി ആരോഗ്യമേഖലയിലേക്ക് അനുവദിച്ച പുതിയ വിസകളും സ്റ്റാമ്പ് ചെയ്യും
  •  വിമാന സർവീസുകൾ ആരംഭിച്ചാൽ മാത്രമേ റീ എൻട്രി അവസാനിച്ച് നാട്ടിൽ കുടുങ്ങിക്കിടക്കുന്ന മറ്റു ഇന്ത്യക്കാരുടെ റീ എൻട്രി പുതുക്കുകയുള്ളൂ

 

നിസാ൪ കലയത്ത്

ജിദ്ദ: കൊവിഡ് പശ്ചാത്തലത്തിൽ ഇന്ത്യയിൽ കുടുങ്ങിയവരുടെ റീ എൻട്രി പുതുക്കുന്നു.
ആദ്യഘട്ടത്തിൽ സഊദിയിലെ ആരോഗ്യമേഖലയിൽ പ്രവർത്തിക്കുന്നവരുടെ റീ എൻട്രിയാണ് വ്യാഴാഴ്ച മുതൽ മുംബൈയിലെ സഊദി കോൺസുലേറ്റ് വഴി പുതുക്കുന്നത്. ഇത് സംബന്ധിച്ച് ഇന്നലെ റിക്രൂട്ട്‌മെന്റ് ഓഫീസുകൾക്ക് കോൺസുലേറ്റിൽനിന്ന് അറിയിപ്പ് ലഭിച്ചു.
സഊദിയിലെ തൊഴിലുടമകൾ വിദേശകാര്യ മന്ത്രാലയത്തിന്റെ വെബ്‌സൈറ്റ് വഴി റീ എൻട്രി ദീർഘിപ്പിക്കുന്നതിന് രജിസ്റ്റർ ചെയ്തിട്ടുണ്ടെങ്കിൽ അത്തരം ജീവനക്കാരുടെ പാസ്‌പോർട്ടുകളിൽ റീ എൻട്രി എക്‌സ്റ്റൻഷൻ സ്റ്റാമ്പ് ചെയ്യുന്ന ജോലികളാണ് പുനരാരംഭിക്കുന്നത്.
അതോടൊപ്പം സഊദി ആരോഗ്യമേഖലയിലേക്ക് അനുവദിച്ച പുതിയ വിസകളും സ്റ്റാമ്പ് ചെയ്യും. നേരത്തെ സ്റ്റാമ്പ് ചെയ്ത് മൂന്നു മാസത്തിനകം സഊദിയിലെത്താൻ സാധിക്കാത്തവരുടെ വിസകൾ കാൻസൽ ചെയ്യും. ഇന്ത്യയിൽ കുടുങ്ങിക്കിടക്കുന്ന ആരോഗ്യ പ്രവർത്തകരുടെ ആശ്രിതരുടെ റീ എൻട്രികളും പുതുക്കി സ്റ്റാമ്പ് ചെയ്യും.
ഓൺലൈനിൽ അപേക്ഷ നൽകി നിശ്ചിത ദിവസങ്ങളിലാണ് ഏജൻസി ഓഫീസ് ഉദ്യോഗസ്ഥർ പാസ്‌പോർട്ടുകളുമായി കോൺസുലേറ്റിൽ എത്തേണ്ടത്.
അതേസമയം സഊദിയിലേക്ക് വിമാന സർവീസുകൾ ആരംഭിക്കുന്നതോടെ മാത്രമേ റീ എൻട്രി കാലാവധി അവസാനിച്ച് നാട്ടിൽ കുടുങ്ങിക്കിടക്കുന്ന മറ്റു സഊദി വിസക്കാരായ ഇന്ത്യക്കാരുടെ റീ എൻട്രി പുതുക്കുകയുള്ളൂ.
ഇഖാമ കാലാവധിയുണ്ടെങ്കിൽ വിദേശകാര്യ മന്ത്രാലയത്തിന്റെ വെബ്‌സൈറ്റ് വഴി തൊഴിലുടമ റീ എക്സ്റ്റൻഷന് രജിസ്റ്റർ ചെയ്യണം. അതു സംബന്ധിച്ച് ഔദ്യോഗിക അറിയിപ്പ് പിന്നീടുണ്ടാകും.
നേരത്തെ റീ എൻട്രി കാലാവധിയുള്ള ആരോഗ്യപ്രവർത്തകരെ പല സമയങ്ങളിലായി ചാർട്ടേഡ് സഊദി എയർലൈൻസ് വിമാനങ്ങളിൽ ആരോഗ്യ മന്ത്രാലയത്തിന്റെ നേതൃത്വത്തിൽ സഊദിയിലെത്തിച്ചിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.