2018 February 26 Monday
ഒട്ടും ജീവിക്കാതെ വര്‍ഷങ്ങള്‍ നിങ്ങള്‍ക്കു ജീവിക്കാം; പിന്നെക്കാണാം, ജീവിതമെല്ലാം കൂടി ഒരു മണിക്കൂറിന്റെ ദൈര്‍ഘ്യത്തിലേക്കു തള്ളിക്കയറിവരുന്നത്.
ഓസ്‌കാര്‍ വൈല്‍ഡ്

ജിഗ്നേഷ് മേവാനി രാഹുല്‍ ഗാന്ധിയുമായി കൂടിക്കാഴ്ച നടത്തി; തെരഞ്ഞെടുപ്പില്‍ കോണ്‍ഗ്രസിനെ പിന്‍തുണച്ചേക്കും

അഹമ്മദാബാദ്: കോണ്‍ഗ്രസ് ഉപാധ്യക്ഷന്‍ രാഹുല്‍ഗാന്ധിയുമായി ദലിത് നേതാവ് ജിഗ്നേഷ് മേവാനി കൂടിക്കാഴ്ച നടത്തി.

തങ്ങളുന്നയിക്കുന്ന കാര്യങ്ങളില്‍ തൊണ്ണൂറു ശതമാനവും ആവശ്യങ്ങള്‍ അല്ലെന്നും അവകാശങ്ങളാണെന്നും രാഹുല്‍ അറിയിച്ചതായി ജിഗ്നേഷ് മേവാനി മാധ്യമങ്ങളോടു പറഞ്ഞു.

ഗുജറാത്തിലെ നവസരിയില്‍ ആയിരുന്നു കൂടിക്കാഴ്ച. കൂടിക്കാഴ്ച്ചയ്ക്കു ശേഷം രാഹുലിന്റെ നവസര്‍ജന്‍ യാത്രയില്‍ ജിഗ്നേഷും പങ്കെടുത്തു.

കൂടിക്കാഴ്ചയില്‍ പതിനേഴ് ആവശ്യങ്ങളാണ് ജിഗ്നേഷ് ദലിത് വിഭാഗത്തിനായി മുന്നോട്ടുവച്ചത്. ഈ ആവശ്യങ്ങളെല്ലാം കോണ്‍ഗ്രസ് തങ്ങളുടെ പ്രകടനപത്രികയില്‍ ഉള്‍പ്പെടുത്തുമെന്നു രാഹുല്‍ ഉറപ്പുനല്‍കി. ചര്‍ച്ചയില്‍ ജിഗ്നേഷ് തൃപ്തി പ്രകടിപ്പിച്ചു. ഇതോടെ സംസ്ഥാന തെരഞ്ഞെടുപ്പില്‍ ദലിത് വിഭാഗത്തിന്റെ പിന്തുണ നേടാനാകുമെന്നു കോണ്‍ഗ്രസും കണക്കുകൂട്ടുന്നു.

തെരഞ്ഞെടുപ്പില്‍ കോണ്‍ഗ്രസിനെ പിന്തുണയ്ക്കുമെന്ന് പട്ടേല്‍ പ്രക്ഷോഭ നേതാവ് ഹാര്‍ദിക് പട്ടേല്‍ കഴിഞ്ഞ ദിവസം അറിയിച്ചിരുന്നു. പട്ടീദാര്‍ കമ്മിഷന്‍, ഒ.ബി.സി ക്വാട്ടയില്‍ സമുദായാംഗങ്ങള്‍ക്ക് സംവരണം, സംവരണ പ്രക്ഷോഭത്തിനിടെ മരിച്ച യുവാക്കളുടെ കുടുംബങ്ങള്‍ക്ക് നഷ്ടപരിഹാരം തുടങ്ങിയ വിഷയങ്ങളില്‍ പട്ടേല്‍ സമുദായത്തിന്റെ ഉപാധികള്‍ കോണ്‍ഗ്രസ് അംഗീകരിച്ചെന്നും ഹാര്‍ദിക് പട്ടേല്‍ അറിയിച്ചു.

 

Gujarat Dalit Leader Jignesh Mevani Meets Rahul, Joins His Rally


 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.