2020 August 09 Sunday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

കോവിഡ് 19- സാമ്പത്തിക ആഘാതം ചർച്ച ചെയ്യുന്നതിനായി ജി.സി.സി മന്ത്രിമാർ യോഗം ചേർന്നു

അക്ബർ വേങ്ങാട്ട്

റിയാദ്: ആഗോള ജനതയെ തീർത്തും ഭയാശങ്കയിലാഴ്ത്തിയ കൊറോണ വൈറസ് വ്യാപനത്തെ തുടർന്നുണ്ടായ സാമ്പത്തിക ആഘാതം ചർച്ച ചെയ്യുന്നതിനായി ഗൾഫ് സഹകരണ കൗൺസിലിന്റെ (ജി.സി.സി) വാണിജ്യ മന്ത്രിമാർ വെർച്ച്വൽ മീറ്റിംഗ് ചേർന്നു. അതത് രാജ്യങ്ങളിലെ ജനങ്ങൾക്ക് അവശ്യ വസ്തുക്കളുടെ ലഭ്യത ഉറപ്പ് വരുത്തേണ്ടതിന്റെ പ്രാധാന്യം ചർച്ച ചെയ്ത യോഗം ചരക്ക് ഗതാഗതം സുഗമമാക്കുന്നതിന്‌ കൂടുതൽ ക്രിയാത്മകമായ നീക്കങ്ങൾ അനിവാര്യമാണെന്ന് ചൂണ്ടിക്കാട്ടി.

യു.എ.ഇ സാമ്പത്തിക കാര്യ മന്ത്രി സുൽത്താൻ ബിൻ സഈദ് അൽമൻസൂരി അധ്യക്ഷത വഹിച്ചു. കോവിഡ് ബാധയെ തുടർന്ന് പ്രതിസന്ധിയിലായ സ്വകാര്യ മേഖലയെ വിശിഷ്യാ ചെറുകിട, ഇടത്തരം സ്ഥാപനങ്ങളുടെ പ്രവർത്തനങ്ങളെ ഉത്തേജിപ്പിക്കുന്നതിനായി സാമ്പത്തിക തലത്തിൽ വിവിധ രാജ്യങ്ങൾ സ്വീകരിച്ച നയനിലപാടുകൾ മന്ത്രിമാർ യോഗത്തിൽ വിശദീകരിച്ചു. ചരക്ക് ഗതാഗതം സുഗമാക്കുന്നതിന്റെ പ്രാധാന്യം എടുത്ത് പറഞ്ഞ മന്ത്രിമാർ ഇതിനായി വിമാനത്താവളങ്ങളൂം തുറമുഖങ്ങളും തുറന്നിടുന്നതിന്റെ പ്രയോഗിക വശങ്ങൾ ചർച്ച ചെയ്തു.

അതെ സമയം വൈറസ് പടരാതിരിക്കാൻ ശക്തമായ മുൻ കരുതൽ നടപടികളും സ്വീകരിക്കണമെന്നും യോഗത്തിൽ നിർദ്ദേശമുയർന്നു. വ്യാപാര, വാണിജ്യ തലത്തിലെ പ്രവർത്തനങ്ങൾ നിരീക്ഷിക്കുന്നതിനും ഏകോപിപ്പി ക്കുന്നതിനും മന്ത്രാലയങ്ങൾക്ക് കീഴിൽ പ്രത്യേക ടാസ്ക് ടീം രൂപീകരിക്കാനും യോഗം തീരുമാനിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.