2020 July 11 Saturday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

സലായ്ക്കു നല്‍കിയ വോട്ടുകള്‍ മെസിക്ക് മറിച്ചു; ഫിഫ ദി ബെസ്റ്റ് പുരസ്‌കാരം വിവാദത്തില്‍

രണ്ടാം സ്ഥാനത്തുള്ള വാന്‍ഡിക്കിനെയും റൊണാള്‍ഡോയെയും മറികടക്കാന്‍ നാലാം സ്ഥാനത്തുള്ള സലായുടെ വോട്ട് മറിച്ചെന്നാണ് ആരോപണം

ഫിഫ ദി ബെസ്റ്റ് പുരസ്‌കാരം അന്‍ജന്റീനിയന്‍ താരം ലയണല്‍ മെസിക്ക് നല്‍കിയത് വോട്ടു മറിച്ചാണെന്ന് ആരോപണം. മെസിയെ വിജയിപ്പിക്കാന്‍ നാലാം സ്ഥാനത്തുള്ള ഈജിപ്ഷ്യന്‍ താരം മുഹമ്മദ് സലായുടെ വോട്ടുകള്‍ മറിച്ചുവെന്നാണ് ആരോപണമുയര്‍ന്നിരിക്കുന്നത്.

46 വോട്ടുകള്‍ നേടിയാണ് മെസി ഫിഫ ദി ബെസ്റ്റ് പുരസ്‌കാരം നേടിയത്. ഹോളണ്ട് താരം വിര്‍ജില്‍ വാന്‍ഡിക്കായിരുന്നു രണ്ടാം സ്ഥാനത്ത് ക്രിസ്റ്റ്യാനോ റൊണാള്‍ഡോ മൂന്നാം സ്ഥാനത്തുമെത്തി.

വാന്‍ഡിക്കിനും റൊണാള്‍ഡോക്കും 38 വോട്ടുകള്‍ വീതം ലഭിച്ചു. ഇവര്‍ക്ക് പിന്നിലായി നാലാം സ്ഥാനത്തെത്തിയത് ഈജിപ്ഷ്യന്‍ താരം മുഹമ്മദ് സലായാണ്. ആകെ 26 വോട്ടുകള്‍ സലായ്ക്ക് ലഭിച്ചിട്ടുണ്ട്.

എന്നാല്‍ ഈജിപ്ത് ഫുട്‌ബോള്‍ ടീം കോച്ച് ഷാക്കി ഗരീബും ക്യാപ്റ്റന്‍ അഹമ്മദ് എല്‍മൊഹമ്മദിയും മുഹമ്മദ് സലായ്ക്കാണ് വോട്ട് നല്‍കിയത്. ഇത് രണ്ടും ഫിഫ പരിഗണിച്ചില്ലെന്ന് ഈജിപ്ഷ്യന്‍ ഫുട്‌ബോള്‍ അസോസിയേഷന്‍ പരാതിപ്പെട്ടു.

സുഡാന്‍ കോച്ച്, നിക്കരാഗ്വ ഫുട്‌ബോള്‍ ടീം പരിശീലകന്‍ എന്നിവരും തങ്ങള്‍ മെസിക്ക് വോട്ട് ചെയ്തില്ലെന്ന് വ്യക്തമാക്കി രംഗത്തെത്തിയിട്ടുണ്ട്. ഈ വോട്ടുകളും സലായ്ക്കാണ് നല്‍കിയിരുന്നത്.

സുഡാന്‍ പരിശീലകന്‍ താന്‍ വോട്ട് ചെയ്തതിന്റെ സ്‌ക്രീന്‍ഷോട്ട് സോഷ്യല്‍ മീഡിയയില്‍ ഷെയര്‍ ചെയ്തിട്ടുണ്ട്. താന്‍ സലായ്ക്ക് നല്‍കിയ വോട്ട് മെസിക്ക് ആണെന്ന് ഫിഫ പ്രഖ്യാപിച്ചത് അത്ഭുതപ്പെടുത്തുന്നുവെന്ന് അദ്ദേഹം പറഞ്ഞു.

ഈജിപ്ഷ്യന്‍ ഫുട്‌ബോള്‍ അസോസിയേഷന്റെ പരാതിക്ക് ഫിഫ വിശദീകരണം രംഗത്തെത്തിയിട്ടുണ്ട്. സാങ്കേതികപ്പിഴവുകള്‍ കാരണം ഈ വോട്ടുകള്‍ പരിഗണിക്കാന്‍ സാധിക്കാത്തതെന്ന് ഫിഫ അറിയിച്ചു. ഒപ്പുകള്‍ വലിയ അക്ഷരത്തിലാണെന്നും വോട്ടിങ് ഫോമില്‍ ഫെഡറേഷന്‍ ജനറല്‍ സെക്രട്ടറിയുടെ ഒപ്പില്ലെന്നും ആണ് വോട്ടുകള്‍ അസാധു ആവാന്‍ കാരണമെന്നാണ് ഫിഫയുടെ വിശദീകരണം.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.