2019 August 20 Tuesday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

ഫ്രാന്‍സിലും ജര്‍മനിയിലും വെള്ളപ്പൊക്കം: 17 മരണം

പാരിസ്: വെള്ളപ്പൊക്കത്തെ തുടര്‍ന്ന് ഫ്രാന്‍സിലും ജര്‍മനിയിലുമായി 17 പേര്‍ കൊല്ലപ്പെട്ടു. കനത്ത മഴയ്ക്ക് മുന്‍പുണ്ടായ കൊടുങ്കാറ്റില്‍ ഫ്രാന്‍സില്‍ 9 പേരും ജര്‍മനിയില്‍ എട്ട് പേരുമാണ് കൊല്ലപ്പെട്ടത്. വെള്ളപ്പൊക്കം നിയന്ത്രണാതീതമായി തുടരുന്ന സാഹചര്യത്തില്‍ ഫ്രാന്‍സിലെ പല മേഖലകളിലും അടിയന്തരാവസ്ഥ പ്രഖ്യാപിച്ചു.

ശക്തമായ മഴയില്‍ നിരവധി പ്രദേശങ്ങള്‍ വെള്ളത്തിനടിയിലായി. നിരവധി പേരെ കാണാതായിട്ടുണ്ട്. വെള്ളപ്പൊക്കം നേരിടാന്‍ പ്രാദേശിക ഭരണാധികാരികള്‍ക്ക് ധന സഹായം അനുവദിക്കുമെന്ന് പ്രസിഡന്റ് ഫ്രാന്‍സ്വ ഒലോന്‍ദ് പറഞ്ഞു.

ഫ്രാന്‍സിലെ സീന്‍ അടക്കമുള്ള നദികള്‍ കരകവിഞ്ഞൊഴുകുകയാണ്. ജര്‍മനിയിലും നദി കരകവിഞ്ഞൊഴുകിയതിനെ തുടര്‍ന്ന് ബവേറിയ പട്ടണം വെള്ളത്തിനടിയിലായി. ആയിരക്കണക്കിന് ആളുകളാണ് ഇവിടെനിന്നും പാലായനം ചെയ്യുന്നത്.  ഇരു രാജ്യങ്ങളിലും രക്ഷാപ്രവര്‍ത്തനങ്ങള്‍ ഊര്‍ജിതമായി നടക്കുകയാണ്. വെള്ളപ്പൊക്കത്തില്‍ കുടുങ്ങിയവരെ സൈന്യം വാഹനങ്ങളിലെത്തി രക്ഷപ്പെടുത്തുന്നുണ്ട്. 

വെള്ളപ്പൊക്കത്തെ തുടര്‍ന്ന് പാരിസ് മെട്രോയുടെ പ്രവര്‍ത്തനം നിര്‍ത്തിവെച്ചിരിക്കുകയാണ്. സ്‌കൂളുകള്‍ അടച്ചു. 100 വര്‍ഷത്തിനിടയില്‍ ഉണ്ടായിട്ടുള്ള ഏറ്റവും വലിയ വെള്ളപ്പൊക്കമാണിതെന്നാണ് വിലയിരുത്തല്‍. ആളുകളെ സുരക്ഷിത സ്ഥാനത്തേക്ക് മാറ്റാനുള്ള ശ്രമം ഇപ്പോഴും തുടരുകയാണ്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.