2019 July 21 Sunday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

പ്രളയം മനുഷ്യ നിര്‍മിതമല്ല; അത് പ്രകൃതി നിയമം: മന്ത്രി മണി

നീലേശ്വരം (കാസര്‍കോട്) : പ്രളയം മനുഷ്യനിര്‍മ്മിതമല്ലെന്നും അത് പ്രകൃതി നിയമമാണെന്നും വൈദ്യുതി വകുപ്പ് മന്ത്രി എം.എം മണി.

നീലേശ്വരം നഗരസഭയുടെ ഹരിതകര്‍മ്മ സേനയുടെ പ്രവര്‍ത്തനോദ്ഘാടനവും തിരിച്ചറിയല്‍ കാര്‍ഡ് വിതരണോദ്ഘാടനവും നിര്‍വ്വഹിക്കുകയായിരുന്നു മന്ത്രി.

പ്രളയം മനുഷ്യനിര്‍മ്മിതമാണെന്നാണ് പലരും പറയുന്നത്. എന്നാല്‍ അതല്ല, പ്രളയം പ്രകൃതി നിയമമാണ്. മനുഷ്യര്‍ വിചാരിച്ചാല്‍ പ്രളയം വരുത്താനാകുമോയെന്നും മന്ത്രി ചോദിച്ചു.

ഡാമുകള്‍ തുറന്ന് വിട്ടതല്ല പ്രളയത്തിന് കാരണം. ഡാമുകള്‍ എല്ലാം ഒന്നിച്ച് തുറന്നു വിട്ടിട്ടുമില്ല. മാത്രവുമല്ല, കേരളത്തില്‍ പ്രളയം തടയുന്നതില്‍ ഡാമുകള്‍ വലിയ പങ്ക് വഹിച്ചിട്ടുണ്ട്.

ഓഖി, സുനാമി പോലുള്ള ദുരന്തങ്ങള്‍ വന്നപ്പോള്‍ ആരും സര്‍ക്കാറിനെ കുറ്റപ്പെടുത്തിയിട്ടില്ല. അത് പ്രകൃതി ദുരന്തമാണ്. പ്രളയവും അങ്ങിനെ തന്നെ. അത് മനുഷ്യനായി ഉണ്ടാക്കിയതല്ലെന്നും മന്ത്രി മണി കൂട്ടിച്ചേര്‍ത്തു.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.