2019 November 20 Wednesday
ഏറ്റവും വലിയ പാപം ഞാന്‍ കഴിവുകെട്ടവനാണ് എന്ന വിചാരമാണ്.

ക്യാരി ബാഗിന് 18 രൂപ ഈടാക്കിയ ബിഗ് ബസാറിന് ‘പണി’ കിട്ടി; പിഴയായി അടക്കേണ്ടത് 11000 രൂപ

ചണ്ഡീഗഢ്: സാധനങ്ങള്‍ വാങ്ങിയ ആളോട് ക്യാരി ബാഗിന് 18 രൂപ ഇടാക്കിയ ബിഗ് ബസാറുകാര്‍ക്ക് കിട്ടിയത് എട്ടിന്റെ പണി. ക്യാരി ബാഗിന് തുക ഈടാക്കിയതിന് 11000 രൂപയാണ് ഇവര്‍ പിഴയായി അടക്കേണ്ടത്.

ഉപഭോക്തൃ തര്‍ക്ക പരിഹാര ഫോറമാണ് പിഴ വിധിച്ചത്. കഴിഞ്ഞ മാര്‍ച്ച് 20നാണ് ബാല്‍ദേവ് എന്നയാള്‍ ഇവിടെ നിന്നും സാധനങ്ങള്‍ വാങ്ങിയത്. ബില്‍ അടച്ചു കഴിഞ്ഞതിന് ശേഷം ജീവനക്കാര്‍ സാധനങ്ങള്‍ ക്യാരിബാഗിലാക്കുകയും ഇതിന് 18 രൂപ ഈടാക്കുകയും ചെയ്തു. തുടര്‍ന്ന് ബാല്‍ദേവ് ഉപഭോക്തൃ ഫോറത്തില്‍ പരാതി നല്‍കുകയായിരുന്നു.

ക്യാരി ബാഗിന് പണം ഈടാക്കുമെന്ന് എവിടെയും പരാമര്‍ശിച്ചിരുന്നില്ല. ഇത് സേവനത്തില്‍ കാണിക്കുന്ന അപര്യാപ്തതയ്ക്ക്തുല്യമാണെന്ന് ചൂണ്ടിക്കാണിച്ചാണ് ബാല്‍ദേവ് പരാതി നല്‍കിയത്.
എന്നാല്‍ അത്തരത്തിലൊരു തെറ്റായ ഈടാക്കല്‍ നടന്നിട്ടില്ലെന്നും സ്റ്റോറില്‍ സഞ്ചിയുടെ വില വിവരപട്ടിക കൃത്യമായി പതിച്ചിട്ടുണ്ടെന്നും ബിഗ് ബസാര്‍ അധികൃതര്‍ ഫോറത്തിനു മുമ്പാകെ അപേക്ഷ നല്‍കി.

ഉപഭോക്തൃ നിയമ സഹായ അക്കൗണ്ടിലേക്ക് 10000രൂപയും ഉയര്‍ന്ന വില ഈടാക്കിയതിന് ഉപഭോക്താവിന് 1518 രൂപയും ഈടാക്കാനാണ് ഉത്തരവയത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.